රෝස් පාන්

 

චලතාපී මාළුවා හා හැඟීම් චාපී මිනිස්සු.

එක මැසේජ් එකක්..දෙකක්..නෑ ම් දිගට හරහට මැසේජ් සීයක් විතර..ඔව් ශේන්!

 දන්නවද කවී අයියේ! 

ආදරය කරන මීස්සුන්ට කරදරයක් වෙලා කියලා දැනුන ගමන් කරන්න ඕන ඒ අයට  නිදහසේ ඉන්න දෙන එක. ඉදලා හිටලා අපි අපේ ජීවිත වල ඇතුලාන්තයේ නැවතුනු මිනිස්සුන්ව පරික්ශා කරලා බලන්න ඕන.

දවසක් දෙකක් මැසේජ් එකක් නොදා ඉන්න ඕන.

පලවෙනි දවසෙ අවුලක් නෑ! දෙවෙනි දවසෙත් අවුලක් නෑ..තුන්වෙනි දවසෙ සමහරවිට අහන්න පුලුවන් ඇයි කතා නොකරන්නේ කියලා. හැබැයි ඊට පස්සේ උඹ ඔය මහා අමුතු ආදරයක් ඇල්මක් දක්වන මිනිස්සු උඹ කියන දේ නැතුව ඉන්න හැඩ ගැහෙනවා. මාලුවො චල තාපි වගේ මිනිස්සු හැඟිම් චාපී නැත්නම් සිතිවිලි චාපීන් බවට පත් වෙලා අදාල අවස්තාව අනූව හැඩ ගැහෙනවා

................

දැල් ගහල වැටවල් බැදලා තියෙනේ ලයිට් එලිය නවත්වන්නද නැත්නම් ලස්සනක් දෙන්නද ශේන්? මිනිස්සු දකින විදිහ වෙනස් මල්ලී ආදරේ කියන දේ...

හැබැයි.....

 වෙන්න ඇති කෙනෙක් නොලැබෙන බව දැනගෙන ආදරය කරන එක හරිම විකාරයි කියල හිතුනට. ඒ වගේ දැනෙන හැඟීමකට උඹගෙ අතේ ඇගිලි එහාට මෙහාට කරලවල ඒ මූණ නිකම් හිස් පිටුවක සිත්තම් කරවන්න පුලුවන්, ඒ වගේම හයිකු එකක් කවියක් විදිහට ඒ චරිතය එලියට එන්න පුළුවන්.

ඒත් එක අවස්ථාවකදි උඹට උඹට රිද්දවගෙන එහෙම ටිකක් දුරින් ඉන්න එක හොදයි කියලා හිතෙන්නේ නැද්ද ශේන්.. කොහොමත් උඹට ඒ ආදරේට අයිතියක් කියන්න බෑ නේ නේද?

ඔව් ඒත් වෙන ආදරයක් නැති මනුස්සයෙක් ගාව ඒ ආදරේ නවතිනව දකින්න මම කැමති නෑ.

උඹ කොහොමද ශේන් තීරණය කරන්නේ හරියටම ඒ කෙනා ලඟ ආදරයක් නැතුව ඇති කියලා. මට හිතෙන්නේ උඹට තියෙන්නේ එක විදිහක ඉර්ශ්‍යා කාරී හැඟීමක්.

ඔව් වෙන්න ඇති..ඒක පිළි ගන්න ඕන මම..මොකද ඇත්තට සමහර දවස්වලට සැප දුක අහන , කන බොන එක ගැන අහනකොට කරුමෙට හිත සන්සුන් වෙනවා මන් ගැන එක මනුස්සයෙක් හරි හොයලා බලනවා නේද කියලා. ඒක එතකොට බලාපොරොත්තුවක් වෙනවා අපේ ජීවිත වලට, ඒ වගේම ඒ කෙනා මීට ට්ක කාලෙකට කලින් හම්බවුනා නම් කියලා හිතලා දුකක් එක්ක ඉර්ශ්‍යාව කියන දේ වෑල්ඩින් වෙන එක නවත්වන බෑ.

ඉතින් ආදරේ කරන මින්ස්සුන්ට ඇන්කර් එකක් වෙලා වදයක් වෙනවට වඩා ඒ නිනිස්සුන්ට නිදහසේ යන්න දෙන එක හොදයි කියලා හිතුනා, හිත රිද්දගෙන හරි..

කවි අයියේ වරා මල්  පිපිලා තියෙන හැටි බලන් ඉන්න මම ආසයි! ලස්සනටම පිපිලා ඉන්න හැටි දැක්කා සතුටුයි! ඒත් වෙන් වීමක් නමත් එක්කම තියෙනකොට දුකයි .මට බෙහෙත් ඕන ඒකට.

බෙහෙත්ද ඕන මල්ලී..

ඔව් කවි අයියේ '''

බෙහෙත් නෑ නේ මල්ලී....

යකෝ උඹ නම් මහා සාපයක් කවි අයියේ! විහිළු පටන් ගන්න තැන දන්නෙත් නෑ ඉවර කරන්න ඕන තැන  දන්නෙත් නෑ 

හරි මල්ලි හරි..උඹේ වරා මලේ ඩිජිටල් ඉන්ක් ආර්ට් එකක් මන් ගානේ ඇදලා දෙන්නම් . කලි යුගයට ගැලපෙන විදිහට.. හා ද.?..

ඕකේ කවි අයියේ එහෙනම් ඉක්මනින් දවසක චිත්‍ර දෙකම ඒ කෙනා අතින් තියන්න පුළුවන් වෙයි නේද.. ස්තූතියි..

දැන් පෝ.. පෝර පෝ..ශේන්!

හෙට හම්බවෙමු...

ටටා..

කවී 

ශේන් ඇස්ප්‍රීන් සමඟ ඇබැද්දියා කුමරු හා චිකුබා කුමරියගේ කතාව.

 එහා පැත්තෙන් හිටපු එකා ශේන් නොවුනත් ඉදලා හිටලා කතා කරන එකා ශේන්! එතකොට හොදම යාලුවා නොවුනත් ඒ මට්ටමට ඉන්න එකා ශේන්. පාන්දර දෙකට තුනට ජිවිතත් එක්ක සෙල්ලම් කරන එවුන් හම්බවෙන්නේ හේතුවක් නැතුව. 

තමන්ට ලැබුනු දේවල් නැතිකර ගන්න මිනිස්සු සෑහෙන්න ඉන්නවා! ඒ අතර මෝඩ කමට දේවල් නැති කර ගන්න එවුන් අංක එක. උන්ට තියෙන ආදරේට උන් කරන දේ වැරදි බව තේරුම් කරලා දුන්නම රිටර්න් එක හැටියට ලැබෙන්නේ. එහෙම්ම ටික කාලෙකට අතුරු දහන් වීම.

මිනිස්සු හරිම පුදුමයි තමන් ආදරේ කරපු එකා තව එකෙක්ට ආදරේ කරන හැටි බලලා සතුටු වෙනවා, නැත්නම් ඒකට අකුක් හෙලනවා .

මිනිස්සුන්ව තෙරුම් ගන්න එක වෙලාවකට ලේසි වැඩී. කෙල්ලෙක් එක්ක සෙට් වෙලා ඉන්නකම් ඒකි පණ, නැත්නම් හෙන ලව් එක, මගදි නැවතුනොත් ඒකි, ඒකිගෙ නංගි අම්මා සහ ආශ්‍රය කරන යාළුවො ඉදන් වටේ ගිය බඩු . අපෝ උඹ වටේ යන ගෑනියෙක් මට තෝ එපා කියලා ගියපු මිනිස්සු, යාලුවෝ එක්ක කියන්නේ අනේ මට නම් ආයෙ ඒකි එපා කියලා හැබැයි යතාර්තය අඬ අඬ වැලලෙන්න හදනවා! හොටු පෙරාගෙන. බැනපුව කියපුව අමතක කරලා ආයෙත් ආදරෙන් ඉමු කියලා.. සංසාරේ!.

........................

කවී අයියේ!

ඔව් ශේන් කියහන්..

මේ අයියේ ස්ලීපින්ග් ටැබ්ලට්  නැද්ද?.

නෑ පිරිටන් නම් තීනව ඕනද.?

එපා අයියේ මට විස්කි බෝතලයක් ඕන.. ක්ලාස් එකේ ටියුට් රූම් එකේ අර කෙල්ලත් එක්ක තුරුල් වෙලා ඉන්න හැටි. කවුරුත් කාර්ඩ් මාක් කරන්න එන්නේ නැති වෙලාවක් බලලා ඒ කෙල්ලගේ තොල් මොන රසද කියලා බලන විදිහ මතක් වෙනවා . ඒ කෙල්ලට යන්න ඇරලා පිටි පස්ස කොනිත්තපු වෙලාවල් ගැන මතක් වෙනවා.මට හිතා ගන්න බැහැ මොනව කරන්නද කියලා.

මල්ලි ඇස්ප්‍රින් පෙත්තක් දෙන්නද උඹට?

අයියේ මේ විහිලු කරන කාලයක් නෙමේ! 

දැන් උඹට මම විහිළු කරන්න ඕන පස් මහ බැලුම් බලලද. මගෙන් මහාප්‍රාණ අහගන්නේ නැතුව ඉදින්!

හරි සීන් එකට එන්ටර් වෙමු ..කවි අයියේ මන් ගැන කවියක් ලියලා දෙන්න බැරිද?.

පුළුවන්..හැබැයි මට ඇස්ප්‍රීන් කාඩ් එකක්ම බොන්න වෙනවා. හැබැයි කෝම හරි උඹට එකක් ලියල දෙනවා.

අන්නේකයි! කව් අයියේ ඒක ලියලා මගේ ෆොටො එකකුත් දාලා ලස්සනට හදලා තමුසෙගේ පේජ් එකට දානවකෝ! එතකොට අර කෙල්ලට මට නිකන් වැඩ්ඩා වගේ ලින්ක් එක දාන්න පුළුවන්.

හූම්..බලමු ඉතිම්!.

දැන් උඹේ ඔය ප්‍රේමයේ තත්වය කෝමද?

අවුලක් නෑ නමුත් සමහර දේවල් දැනෙන්න තරම් ලබා ගන්න වෙලාව මදි .. ඒ නිසා මන හිතාගෙන ඉන්නෙ කෙල්ලට සැටර් ඩේ හරි සන්ඩේ හරි ඕවර් ටයිම් කියලා නැත්නම් යාලුවෙක්ගේ ගෙදර යනවා කියලා ටියුට් රූම් එකට ගිහින්  ක්ලාස් එකේ ළමයි එයිද නැත්නම් ටීචර් කෙනෙක් එයිද කියලා බයේ ගැහි ගැහි ඉන්න එක අමතක කරලා අපි විතරක්ම ඉන්න විනාඩි දහයක් ගත කරන්න..හැබැයි ඉතින් ඒකත් ඒ කෙල්ලගේ අවසරය මත තමා කවී අයියේ !

ශේන් උඹයි ඒ කෙල්ලයි රැල්ල පාගලා නෑවට කමක් නෑ මුහුදෙ..මොකද උඹලා දෙන්නගෙම කැමැත්තෙන් නේ හැමදේම වෙන්නේ..ඒත් එක එක මාලු කාරයොන්ගේ දැල්වලට අහු වෙන්න එපා.

ඒක හරි කවි අයියේ. අපි දෙන්න අපේ ගමනාන්ත ඇන දැනගෙනයි මේ ආදරේ බෙදා ගන්නේ. ඒ කෙල්ල දන්නවා මමත් ඒ කෙල්ලට ආදරෙයි කියලා. ඒ නිසා කතා බහ කරලා අපි අපේ හැඟීම් වලට ඉඩ දීලා තියෙනව. අපිට අපිවම සැක කරන්න ඕන නෑ. මොකද අපි අපේ සැබෑ ජීවිතේ ගැනත් දන්නවා..

හරි ශේන් එහෙනම් පරිසමෙන්!

මම යනව බන් වැසි මන්ත්‍රය මතුරන්න..අපේ එකෙක්ගේ වෙඩින් රැග් එක දීලා ආවා විතරයි උඹ ගත්තා රෙද්ද..

මේ ඉන්නේ දොඩම් ගොඩගේ ප්‍රොබෝද ශශීන්, (ඇබැද්දියා කුමාරයා) අගනා වු තම කොස්කොල ඔටුන්න හිසේ පැලදගෙන රජ වෙලා තමන්ගේ අන්තපුරයේ පලවෙනි වේකන්සිය පුරවා ගැනීමේ පලමු පියවර  විදිහට සරණ පාවා  ගන්න යන අග බිසව හිමාශී පෙරේරා නොහොත් චිකුබා සචී කුල කුමරියට තමන්ගේ රාජ සීමාවේ තමන්ට අයිති ගොවි ඉඩමක වහලා ඉන්න කොකෙක් පෙන්නලා..කොකා පෙන්වන අවස්තාවක්..

රජ වුනත් ඌට වැඩි දවසක් කොකා පෙන්නගෙන ඉන්න හම්බවෙන්නේ නෑ කියලයි තතු දන්න උදවිය ප්‍රකාශයක් නිකුත් කරමින් කියා සිටියේ.!

මොන මඟුල වුනත් උඹලාට සුභ ගමන්! එදාට එන්නම් හොදේ නගුලත් අරගෙනම වෙඩිමට.. හාන්න...

ටටා...

.කවී.

ගරුඩා , කුණු ටැක්ටරේට හීන පැටවීම..

 අර එක තැනක තිබුණ හොද යාලුවෝ කියන කැරක්ටර් එක කපලා අයින් කරලා දැම්මා.  මිනිස්සු ආදරේ හොයන්නේ අමුතුම තැන වල.

සදුදා උදේ පාන්දර එන කුණු ට්‍රැක්ටර් එක කුණු කුණු කියලා කෑ ගහනකොට මට කීප සැරයක් හිතුනා ඔය රැවටීම් කරපු මිනිස්සුන්ගේ නම් ගම් එක්කම කලු පාටක උරේකට දාලා කුණු ට්‍රැක්ටර් එකට දාලා කුණු එකතු කරන අයියගෙ අතේ පනහක් සීයක් රුපියල් වලින් ගුලි කරන්න.

ඒත් ලොකුම තැන් වල ඉදලා දූශනයට පගාවට විරුද්ධව ක්‍රියා කරනවා කියලා පෙන්වන මිනිස්සු වගේ නෙමේ පොඩි තැන්වල මිනිස්සුන්ගේ හිත්. 

ඒ කුණු සේරම අරගෙන එක පාරටම ඇහුවේ. මහත්තය මේ කුණු දිරන්නේ නැති ඒවාද දිරන ඒවාද නැත්නම් කලවම්ද. අපි ගන්නේ වෙන් කරපුවා විතරයි.

මම ටිකක් වෙලා කල්පනා කලා! ඇත්තටම ඒ මතකයන් දිරන්නේ නෑ නේද කියලා. ඉතින් කොහොමද මම රවට්ටලා දෙන්නේ ඒක කුණු ට්‍රැක්ටර් එකට..

.................................

 අත කාපු ගරුඩා සිහි මුර්ජා වෙලා ඇද යට වැටිලා ඉන්නකොට හොයා ගත්තේ .. පස්සෙ ඌව අරගෙන වෙද මහත්තයෙක් ගාවට ගිහින් උගේ විශ බහින්න බෙහෙත් කලා..

ගරුඩාට බලු බැනුම් සර්ප වෙදාගෙන්! ඌව කාපු ගමන් දල දෙකේ වත් රතු ලූණු කැල්ලක් උලච්චි කලේ නෑ කියලා.

කොහෙද ගරුඩට කතාකරගන්න පණ නෑ..යන්තම් බෙල්ල ගාවින් උස්සලා මොනවද කිව්වා විතරයි. හොස් ගලා පණ ගියා..

මම සංවේදී මනුස්සයෙක් නෙමේ කියන්නේ කවුද.. එදා තමා මට තේරුනේ වේදනාව සහ අහිමි වීම කියන දේ..

සුලුවට හරි අවසන් කටයුතු කරන්න ඕන නිසා. පොඩි ගිනි පෙට්ටියක සතපවලා. කූඹි සෙට් එකකගෙ කර මත්තෙන් අවසන් ගමන් යන්න දුන්නා. හේවිසි නැතත් කොටුවෙ පේමන්ට් එකෙන් දාහකට ගත්ත ජේ බී එල් කොපියෙන් කාවඩ් බයිලා මියුසික් එකක් ප්ලේ කලා.

ගරුඩව හැමෝම දන්න නිසා පී සී ආර් කරන්න කිව්වේ නෑ. ගරුඩට කොරොනා නම් කරුමෙට හරි බෙහෙත් කරපු වෙදයි කාපු මායි දෙන්නම ඉවරයි...

ටටා.

.කවී.

පාප්ප භාජනේ , වෙසක් සැරසිලි හා බකට් එක.

 2009/05/03 

 ජීවිතේ කොහේ හරි මුල්ලක ඉන්නවද උඹ ආදරේ කරපු යාළුවෙක්? සමහර තැන් වලදි හිතුන අනේ මේකා මගේ වුනා නම් කියලා හිතෙන? ඒ චුටියට හිනාවෙන හුරතලේට ලඟ කැරකුන... ඒත් ඒ වෙනකොටත් ඌ ඉස්සර වෙලා තිබුන? උගේ කොල්ලත් එක්ක වැලන්ටයින් සමරන්න උඹට කියලා ඩෙකරේශන් දා ගත්ත මොහොතක්! ලියන කොලේ ඉරලා දාලා මාත් උඹට ආදරෙයි කියන්න ඕන වුනත් වෙනදටත් වඩා ඕන කමින් ඉල්ලපු දේ හොදට කරල දීපු අතීතයක්.

සුදු කලිසම ඇදගෙන ඇන්ද නවපු පුටුවක් උඩ නැගලා  සැරසිලි කරනකන් උඹ ගාව පහලට වෙලා උස මදි නිසා පාප්ප භාජනේ අල්ලන්න ඒක ඔළුව උඩ තියාගෙන හිටපු එකෙක්ට හිතින් ආදරේ කරලා බලපන්! 

හයේ හතේ කතා කරලවත් නැති එකෙක්ට තිබුන ඇල්ම ටිකකින් මේකා හොරකම් කර ගත්ත හැටි පුදුමයි.

2009/08/12

ඌ උගේ ගමන යනකොට උගේ කොල්ලගේ හොද නරක බලන්න කොල්ලගේ හච් නම්බරේට කෙල්ලෙක් වගේ මැසේජ් කරලා  ඩේලි අප්ඩේට් එකක දීපු ජීවිතේ හොදයි කියලා හිතුනවෙලාවල් තියෙනවා.

අවුරුද්දකට සැරයක් ඩෙස් පුටුවල තීනත ගානකොට මාමා එක්ක හරි බාප්පා එක්ක හරි ඒකත් සෙනසුරාදා එනකන් බලන් හිටපු වෙලාවක් තිබුනා. ආපු කාට හරි ඒකා මාවා අදුන්වලා දෙනකොට මේ ඉන්නේ මගේ හොදම හොදම යාලුවෙක් අයියා කෙනෙක් වගේ කියලා කියනකොට. අර තිබුනු හැඟීම ආඩම්බරයත් එක්ක වැඩි වුනා මිසක් අඩු වුනේ නම් නැහැ. ඒත් මොනව කරන්නද ඉස්සර වුනා මම ඉස්සර වෙන්න කලින්.

2009/10/03

ඒකි මගේ ජීවිතෙන් ඈත් වෙලා ගියා වගේම වෙන ජිවිතේකට ලං වෙන්න..ආයෙත් පරන ජීවිතේ හිටිය කෙනා ලඟ මම ඉස්සර වෙලා මටම කියලා කෙනෙක්ගේ අයිතිය ගත්තා.

මම මගේ පාරේ අත් අල්ලන් යනවා උඹත් ඒ පාරෙම අත් අල්ලන් යනවා. ප්‍රශ්නයක් නෑ ඒ බැදීම් තාම එහෙමයි..

2014/06/09

හැමදාම වගේ තාමත් අමතක නොකර උපන්දිනේට සුභ පතනවා. නම්බරේ මතකද ඇහුවම..කටපාඩමෙන් කියනවා! මම හැමදාම වගේ පිලි ගන්න කැමති නෑ මූ මට ආදරේ කෙරුවේ නෑ කියලා. ඒත් මම බලාගෙන ඉන්නවා තාමත් එක එකා ගාවින් ආදරේ හොයාගෙන යන හැටි. මම එක තැනක නැවතිලා ඉන්නත් මේකා එහේ මෙහෙ දුවන්නත් හේතුව විදිහට මට හිතුනේ කොහේ හරි තැනක් හිත අස්සේ  ඕන කියනා දේ ලැබුනේ නැති නිසා දැනුනේ නැති නිසා යනව ඇති කියලා. නිතර කතා නොකලත් බලාගෙන හිටියා ජීවිතේ දිහා.

2015/09/11.

හදිසියේ දවසක් එකසිය විස්ස බස් එකේ කැම්පස් එක හරිය පහු කරනකොට ස් ස් ගාන සද්දයකට හැරිලා බැලුවම මෙන්න මේකා වාඩි වෙලා හිනා වෙවී ඉන්නවා මන් දිහා බලලා. මූණ බෝල ගෙඩියක් වගේ වෙලා. රෝස පාට වෙලා මුලු ඇඟම නිකන් බෝලයක් වගෙ වෙලා. හොදම යාලුවා ළඟින් වාඩි වෙනකොට ආයෙත් මට දැනුනෙ ඉස්සර සුවඳමයි. අල්ලලා කම්මුල් දෙක මිරිකන්න හිතුනත් අමාරුවෙන් ඒ ආසාව තද කරන් හිටියා හේතු දෙකක් නිසා. පලවෙනි එක බස් එක දෙවෙනි එක අපි අපේ පාරවල් වල ගොඩක් දුර ඇවිත්. ඒ නිසා මේ ඉන්නේ ආදරේ කරපු හොදම යාළුවෙක් විතරයි. 

ශේන් දැක්කේ නෑ වගේ යන්න නේ හැදුවේ?

අනේ නෑ කෙල්ල මහත් වෙලා..එකනේ බන් අදුරගනා බැරි වුනේ..ලස්සයි ඒත් ඉසර විදිහත් ලස්සනයි බන්..

මොනවා කරන්නද ශේන්..බලෙන් මහත් වෙන්නේ බෝයි ෆ්‍රෙන්ඩ් කෑ ගහනවා බන් මහත් වෙන්න මහත් වෙන්න කියලා..උගේ වුවමනාවට තමා මේ දන්න හැමදේම කරන්නේ මහත් වෙන්න.. බලපන් ශේන් උඹේ හැටි..උඹත් අලියා වගේ වෙලා..පැණියක් වත් ගහනවද තෝත් මහත් වෙන්න..

පිස්සුද බන් මම කාලා බීලා ඔෆිස් එකේ වාඩිවෙලාම තමා ඉන්නේ ..ඒකයි රහස.

මේ බන් මම මෙතනින් බහිනවා ෆොන් එකක් බලන්න ආවෙ ..පස්සේ දවසක සෙට් වෙමු..නම්බරේ දීන්.

බෑ බන් ශේන් කොල්ලා කැමති නෑ කා ගාවවත් නම්බර් එක තියෙනවට.

ඉතින් බන් මම යාලුවෙක් නේ!

ඒ වුනාට කොලු යාලුවන්ටත් දෙන්න එපා කියලා තියෙන්නේ  ..ඉන්සටා එකෙන් ඇඩ් කරන් මැසේජ් දාහන්!

එල බන්..මම ගියා එහෙනම්..

ඔකේ බන් පරිස්සමෙන් ශේන්.

බස් එක ඌවත් අරගෙන ගියා මම බැහැපු ගමන්ම.

මම කල්පනා කලේ හැමදාම මම බස් එකට මැදින් පරක්කු වෙලා නැඟලා..ගමනාන්තයට කලින් බහිනවාමයි නේද කියලා.

........................................

ශේන් උඹ මම වෙනස් වෙන්නේ මේ කඩ ඉරට උඩින්..

බස් එක නවතිනකම් ඌ යයි..මොකද එතනින් තව බස් එකක් ගන්න ඕන නිසා.. 

මම ආපහු යන්න ඕන ..පාරෙන් අනිත් පැත්තට පැනලා ආපු තැනටම..උඹ වගේ නෙමේ බන් මම..🙄🖤

ටටා..

 .කවී.

පැමිනිලි කිරිමේ ක්‍රියා පටි පාටිය

 නොවැම්බර් 17

උඹ දැකලා තියෙනවද යාළුවින්ට යාළුවෝ එපා වෙන හැටි. අදාලම නැති දේකට. උන් හිටි ගමන් අතුරු දහන් වෙන යාළුවෙක් ගේ මගුලෙ ආරක්ශාව ගැන හිතන්න ගිහින් උඹේ හොදම යාළුවා නැති කරගත්ත අතීතයක් උඹට තියෙනවද?   

තියෙනව නම් මට සතුටුයි වරෙන මගේ බැජ් එකට. 👋

උදේ පාන්දර නැගිට්ටම දැනෙන සීතල එක්ක බ්ලොග් එක ලියන්න ඕන වුනාම මම කරන්නේ වට්සැප් එකේ උඩට පහලට යන එක.

එක වෙලාවකදි මට හිතෙනවා සමහර මිනිස්සුන්ට මම කොච්චර විවෘත වෙලා තියෙනවද කියන එක, තවත් වෙලාවකට හිතෙනවා මටත් විවෘතයි කියලා හිතපු එවුන් කොච්චර ආවෘතද කියලා. මම උන් ගැන දන්නේ උන මට කියන්නේ බොහෝම සුළු දේවල් ටිකක් වුනත් උන් මන් ගැන කොච්චරක් දේ දන්නවද කියන එක කල්පනා වුනාම උදේ පාන්දර හිතෙන්නේ පොඩි තනිවුනු ගැඟීමක්.

රිප්ලේස්මන්ට් න්‍යාය හොදින්ම ක්‍රියාත්මක වෙන තැන් වලින් ඔෆිස් වලින්  ඉගෙන ගන්න දේවල් බොහෝමයි!

ඒ අතරතුර බොස් කෙනෙක් කියනවා නම් සේරම බොස්ලා එකයි බොස් කියන තනතුරට ආවම කියලා..මුරුංගා අත්තේ තියාගෙන රෝස මල් වලින් ගහන්න එපා ඒ කියන බොස්ට. හිතපන් මේ බොසුත් බොස් කෙනෙක් බව  එතකොට තේරෙයි බොස් කියන පොශිශන් එකේදී හැමෝම එක බව.

වෙලාවකට මට හිතෙන්නේ අපි මොන්ටිසෝරි කාලයේ ජීවත් වෙනවාද කියන එකයි  හේතුව ටොප් මැනේජ්මන්ට් එක අපිව මොටිවේට් කරන්නේ ඇත්තට අපි හොද නිසා නෙමේ නාස් ලනුව දාලා නැති නිසා කුලප්පු වී අනින්නේ කොයි වෙලාවේද කියලා හිතා ගන්න බැරිනිසා වෙන්න පුලුවන්. අපි එක්ක කොච්චර ලොකු අං තියෙන හැඩි දැඩි පට්ට ඩයල් හිටියත් උන්ටත් මෙතනදී නාස් ලණුව දාලා තියෙන නිසා දැන් එහෙයි කියාගන හපුතලේ කන්ද නගිනවා.

පැමිනිලි කිරිමේ හා ඉල්ලීමේ කිරීමේ ක්‍රියා පටි පාටිය අනූව තම්න් වාර්තා කල යුතු තැනට වාර්තා කරමින් විහිදුම් ජාලයේ පහල සිට උඩට පැමිනිල්ල හෝ ඉල්ලීම යොමු කිරීම සමහර තැන් වල ක්‍රියාත්මක වෙන්නේම නැත.

ඒ වෙනුවට එහිදී අනුගමනය  කල යුතු ක්‍රියා පටි පාටිය වන්නේ ආයතනයේ ලිපි කරු තම ආයතනයේ ප්‍රධාන විධායක නිළධාරී වරුන් අධ්‍යක්ෂ වරුන් හමුවී ඉල්ලීම් ඉදිරිපත් කිරීමයි. නමුත් ඉල්ලීම ක්‍රියාත්මක කිරීමේදී ඉහලට ආ ක්‍රියා පටි පාටිය නොවේ. එතැනදී ක්‍රියාත්මක වන්නේ නිසියාකාර මාර්ගයයි.  මානව සම්පත් ප්‍රධානියා,  ලිපිකරුගේ වහාම වාර්තා කරනා කළමනාකරුවන් හා ආරිථික විශ්ලේශකයන් වෙත යොමු කර වටේ යවා ඉල්ලීම ඉටු කිරීම වෙනුවට මගදීම නවත්වා ගැනීමයි. එතකොට ඉල්ලීම කරපු එකාටත් හිතා ගන්න බෑ කොහෙන්ද වැඩේ නැවතුනේ කියලා. එතක්ට දැන් ආයෙත් තියෙන්නේ කලින් විදිහටම අධ්‍යක්ෂ මණ්ඩලය වෙත අභියාචනා කිරිමයි..

එතකොට දේවල්  කිහිපයක් වෙන්න පුලුවන්.

1.  ඇයි අපි කිව්වානේ ගන්න කියලා ඒක. ඇයි අපිට  දැනුම් දුන්නා නේ ඒක කියලා කලබලයක් මවාගෙන අහන එක.

2.නැත්නම් මොනවා කරන්න්ද අපිත් අසරණයි. තනියම අපිට තීරණයක් දෙන්න බැහැ නේ. යැයි පවසමින් තමන් සුද්ධ වීම.

3.නැත්නම් හෝ ගාලා බටර් ටිකක් වක් කරලා මුරුංගා ගහේ කරටියක් පෙන්වලා ඔළුව අත ගාලා ආපහු හරවලා එවන එක.

එතකොට අපිට කරන්න තියෙන්නේ එක දෙයයි.

මනා සේ දැනගෙන ගොනා සේ ඔලුව වනා ඇවිත් අන් දෙක හොදට මුවහත් කර ගැනීම. කවදා හරි අනින්න ඕන වූ වෙලාවට අනිත් පැත්තෙන් එන විදිහට ඇන ගාල කඩාගෙන එළියට එන එක.

තණකොල හරි කමක් නෑ නිදහසේ කන එක!

.කවී.

වචන උඹ සහ ඇය!

 එදා නවත්වපු තැනින් අද පටන් ගන්න ඕන කියලා නිකම් හරි හිතුන නම් ඒ ශේන් ගේ දිනපොතට එබිකම් කරපු දවසක් විතරයි!කෙනෙක්ගේ දින පොතක් කියවන එක වැරදි වුනත් අයිතිකාරයාම කියවලා උඹට අදහසක් ගන්න පුලුවන් නම් ගනින් කියලා කිව්වම නොකර ඉන්න බෑ. අනික හිත යටින් කොහොම හරි අපිත් කැමතියි අනුන්ගේ පෞද්ගලික ජීවිතයක් මොන වගේද ගෙවුනේ කියලා දැන ගන්න.

------------------------------------------------------------------------

දෙසැම්බර් 26 -

යන්තම් ජීවිතේ පටන් ගත්තා විතරයි මට හිතෙනවා මම දැක්කා කියලා උඹ වගේම ජීවිතේ ලේයර් ගොඩක් තියෙන ආදරණීය චරිතයක්! උඹ හිටියනම් කියයි නෑ ශේන් උඹ හමෝටම ආදරේ කරන්න හදනවා. ආදරේ කියන දේට තේරුමක් හොයන්න හදනවා කියලා.

ඒත් උඹ ඇරෙන්න ජීවිතේ මට ලස්සනයි සහ අහඅහිමිවීමක ඉර්ශ්‍යාවක් දැනුනු දෙවෙනිය මේ. දන්නවද උඹට පෙනුමෙන් වගේම එක හා සමාන වචන සෙට් එකක් තියෙන්නේ. තැන් දෙකකදි මට නිකන් මගේ පිට කොන්දේ විදුලි කොටනවා  වගේ දැනුන .

එකක් උඹ කිව්වා මතකද

  "ශෙන් තමුසෙ ගාව මාර රස්නෙයි". මෙච්චර සීතල පළාතක තමුසෙ ගාව තුරුල් වෙලා අමු අමුවෙන් ඉන්න පුලුවන් ස්විටර් ජැකට් බ්ලැන්කට් නැතුව. උදේ පාන්දරට නැගිටලා හොරෙන්ම යන්න එපා බන් රූම් එකෙන් එලියට , උඹට දුක නැද්ද මේ කෙල්ල සීතලට වෙවුලන්න ගන්න කොට".

උඹගෙයි ඒ කෙල්ලගේ වචන අතර තිබුනේ සමානකමක් වෙනසකට තිබුනේ ආමන්ත්‍රණය " අයියා" වීම.

"අයියේ ඔයා ගාව සෑහෙන්න රස්නෙයි"

පරණ කතන්දර ගොඩක් ලොක් කරලා වහලා දාපු කබඩ් එකක් අරින්න හදපු යතුරක් වගේ ඒ වචන ටික. හදවතේ පතුලෙම අඩියේම තිබුනු උඹේ මතකය උඩට ඇදලා ගත්තා අවුරුදු පහකට පස්සේ..

ඒත් ආපහු එන ගමන් මම හිතුවේ..ඒක අහම්බයක්, ඒ වචන ටික අහම්බයක් කියලයි. හැබැයි මට නොදැනීම බයි එක ලේක් හවුස් එක ගාව අයිනට වෙන්න නවත්තල උඹේ මූනයි මේ මුනයි සමාන කරන්න ගත්තා..

ඔව් අර උඹ අදින නිල් පාට බ්ලවුස් එක දිගම දිග කළු ගවුම ඇදලා කොන්ඩේ කඩලා දැම්මහම මම රැවටෙනවා ඒ උඹ කියලා!

නැවතුනු පළවෙනි තැනට වඩා , උඹ ගාව මම ජීවිතේ දැක්කා උඹ මට ජීවිතේ විදගන්න හැටි කියලා දීලා ආදරේ ගැනත් මහ පාඩම් ගොඩක් කියලා දීලා හයර් එකට ට්‍ර්ප් එකක් අරන් ගිය ඩ්‍රයිවර් වගේ ගමන් ඉවර කරලා නැග්ග නැවතුමටම ගෙනත් අතහැරියා. ඒකත් කලේ ආදරෙන්.! හැබැයි උඹ හයර් එක වෙනුවට මගේ ජීවිතේ වටිනාකම් ගොඩක් අරගෙන පසු තැවීම කියන වේදනාව තියගනින් කියලයි ගියෙ.

කොහොමත් ඒ උඹ නේමේ කියලා දන්නවා ඒත් මගේ හිතයි අතයි මනසයි පැන්සල එක්ක මකනය ඒක පිලි ගන්න කැමති නෑ. උඹව නොඇන්දාට මම දැන් උඹ වගේ කෙනාව අඳිනවා ඒ ෆෝ කොල පුරාවට..

ජනවාරි 01 ,2021

ඒක අහම්බයක් කියලා මම හිතන්න ගත්තට ඒක හිත පිලි ගන්න කැමති නෑ!  හැබැයි දෙවෙනියා උඹ වගේ නෙමේ කියන්නත් බෑ..  එදා කැම්පස් එකේ බැම්මේ වාඩිවෙලා කියපු වචන ටික මට අද ආයෙත් ඇහුන...ආයෙත් පාරක් මගේ කොදු නාරටිය සීතල වෙලා ගියෙ ඒ වචන ටිකම  ඇහෙනකොට.

''ශේන් මට විශ්වාසයි ඔයා හැමෝටම පේන්න ඉන්න කෙනා නෙවෙයි කියලා" හැමෝටම හිනාවක් දාන සමහර වෙලාවට රවාගෙන ඉන්න, හෙන දුශ්ඨ නපුරු පාට් දාන කෙනා නෙමෙයි කියලා.. ඔයා හැංගෙනවද ශේන් මොනවගෙන් හරි? මොනව වුනත් කමක් නෑ මම දන්නවා කොච්චර නපුරු හමක් පොරවන් යකඩයා වගේ    හිටියත් උඹ මම ආදරේ කරන්කොට මාශ් මෙලෝශ් කෑල්ලක් වගේ මෙලෙක් වෙනවා කියලා. උඹට තියෙන්නේ උණු වෙන හිතක්, උඹ ඒ නිසා කෙලවගත්තා..ඒ නිසා උඹ දැන් වෙන කෙනෙක් වෙලා ඉන්නේ! කරුමෙකට අපි දෙන්නා හම්බවෙලා, මම උඹේ ඔය යකඩ කවරෙටයටින් තියෙන පපුවට ඇඟිල්ලෙන් ඇන්නා...ඒත් මගේ ඇඟිල්ලට විතරයි උඹේ හිත මාශ්මෙලෝශ් වගේ කියලා දැන්න දුන්න.. "

එතනත් පොඩි වෙනසයි මට විශ්වාසයි වෙනුවව එතන තිබුනේ මට හිතෙන්නේ අයියේ කියන එක!කතාව එකමයි..ඩයිරියේ ලියන්න කලි මම කිව්වා මම හැමෝම අද්‍යනය කරනාවා ජීවිත වලින් 45% ක් විතර..ඒත් මම ඔයාව 85% ක් විතර අද්‍යනය කරනවා කියලා.

මම කැමතියි දැන් මේ වේදනාවට. අත් හරින්න ලෝභ කම, අයිති කර ගන්න ආශාව, දුරකට යයි තවත් කෙනෙක්ට ආදරේ කරනවා කියලා තේරුනහම් දැනෙන ඉර්ශ්‍යාවට.. මට මම වගේ ඉන්න මේ ලොකෙ ඉඩ දෙන්නේ නෑහැ. මේ ලෝකය පිළි ගන්නේ නෑ මාව..මිනිස්සු තේරුම ගන්නේ නෑ මාව!   ඒ නිසා මම වෙනස් අනිත් එවුන්ට හැබැයි මගේ හැඟීම් අමු අමුවෙන් උඹ එක්ක බෙදා ගන්න තරමට විශ්වාස කරන්න අරන් මම..

මම දන්නවා මේ දෙදහස් විසි එක අවුරුද්ද හරිම අමුතු අවුරුද්දක් වෙන බව. නිදි මතයි ජීවිතේට...

..............................................

නෝටි පෑඩ් ඩයිරියේ ස්ක්‍රීන් ශොට් එකක් මම තමුසෙට එව්වා කවි අයියේ පුළුවන් දෙයක් කරහන්..

..............

මිනිස්සු කියන්නේ උඹට මට නෙමේ ශේන් මේකේ..මම ආසයි උඹේ ඔය හැන්ගිච්ච කබර්ඩ් එකෙන් පොත් දෙක තුනක් අරන් බලන්න..ගොඩක් පරණ..

මිටි ගහලා තියෙන්වා කවි අයියේ උඹට ගෙනත් දෙන්නම්..කියව්පන් උඹ ගාව මගේ වැලලිච්ච අතීතය එහෙම්ම තියෙයි  කියලා හිතෙනවා .. අනික මට ලෝකෙට කියන බැරි දේ උඹ මම වෙනුවෙන් පාපොච්චාරණය කරනකොට හිතට සැහැලුයි..

හරි ශේන් සුභ ගමන්.. මට හෙටට් එවපන් උඹගේ යාං හැල්ලෙන් පුංචි කොටසක ස්ක්‍රීන් ශොට් එකක්..

මට කියන්න තියෙන්නේ මගේ ප්‍රියතම නළුවා ජොනී ඩේප් ගේ ප්‍රසිද්ධ කියමන..හොයලා බලපන් ඒක..

ජය වේවා..ඩේටා ඕෆ් කලා..සුභ අලුත් අවුරුද්දක් ශේන් මල්ලී!

ටටා.. හෙට අලුත් පිටුවකින් හම්බවෙමු

.කවී.

භූතයන්, පොල් හා ප්‍රාශාණ

සමගර යාළුවෝ ඉන්නවා නිකන් මළගිය ආත්මයක් භූතයෙක් වගේ!

හිටපු ගමන් ජීව්ත වලට එබිකම් කරනවා දුම්මල ගහලවත් එලවගන්න බෑ. හොදයි මිනිස්සු එහෙමයි කියමු ඒත් ඇයි කාලෙන් කාලෙට.

උදව්වක් ඕන වුනොත්! අරූට කියහන් ඌ කරනවා අනිවා.. රවුමක් ගහන්න ඕන වුනොත් අනේ ඌට කියන්න ඕන නෑ. මතයේ ඉන්නේ! 

වෙනස උඹ  ගහක මුදුනේ උඩින්ම ඵල දැරීමත් මම පොලවේ යටම තියෙන ප්‍රාශාණ උණු වෙලා පන්නරය ලැබීමක් විතරයි .

සරලයි ජීවිත.. උඹ තාල වර්ගයේ පොල් ගහක උඩ පොල් ගෙඩියක් වෙනකොට..මම ඒ පොල් ගස් යටම වානේ උලක් විදියට ඇවිත් ඉවරයි.

ඔව් මම පොල් උලක්! මම දන්නේ ලෙලි ගහන්න විතරයි..උඹලා පොල්  ....උඹලා තීරණය  කරහන් වැටිලා පැලවෙනවාද එල්ලිලා ඉදලා ලෙලි ගහගන්නවද කියලා.. මට තීරණය කරන්න බෑ ඒ දේවල්.

සුභ අලුත් අවුරුද්දක් වේවා!

.කවී.