මට අහිමි, මම, නුඹව සහ හෙට

 ශේන්ගේ දිනපොතෙන්..

 සමහර කතා වල මිනිස්සුන්ගේ අයිතිය ගැන වගේම පසු තැවීම ගැන ප්‍රශ්න මතු වෙන්න පුලුවන්. ඒත් සමහර තැන්වලදි මිනිස්සු ආදරේ ප්‍රකාශ කරන්න මැලි වෙන එක ගැන දුකක් දැනෙන්නෙ ඇයි කියන එක ගැටලුවක්.

ඇයි එහෙම වෙන්නේ කියන ප්‍රශ්නය පොඩි කාලෙ ඉදන් ඔලුවට ආවත් ඇයි එහෙම කලේ කියන ප්‍රශ්නය කවුරු හරි අහන වෙලාවට උත්තරයක්  දී ගන්න බැරි වෙන්න ඉඩ තියෙනවා.

ඇයි ඒ කවිය ලිව්වේ , ඇයි ඒ චිත්‍රය ඇන්දේ, ඇයි එහෙම කිව්වේ කියන ප්‍රශ්න ගොඩකට හෙමින්  ඇත්තටම තමන්ගේ හිතට දැනෙන විදිහට උත්තර දුන්නම් අහන කෙනා ගොඩක් වෙලාවට සම්පුර්නයෙන් සෑහිමකට පත් වෙනවා වගේම එච්චරක් කල් තිබුනු බැදීමක් එතනින්ම ඉවරයක් වෙන්න පුලුවන්.

මිනිස්සු සමහර දේවල් අයිති කරගන්නේ තවත් දෙයක් අහිමි කරගෙන වෙන්න පුලුවන්, ආදරේට ආවස්තික පිරිවැයක් තියෙනවාද කියන ගැටලුව එක්ක ඉන්න වෙලාවක, ඇයි දැන් අදුන ගන්න ලැබුනේ , තව කලින් ජීවිත වලට එන්න තිබුන නේ කියන හැඟීමත් එක්ක හදවතයි මොලයයි එක්ක හැඟිම් වලට යුද්ධයක් ඇති වුනු අවස්තා නැති කෙනෙක් නැතුව ඇති.

තාව කාලික ගිවිසුමකට ආදරේ කරන්න පුළුවන්ද කියන ප්‍රශ්නයට උත්තර හොයාගෙන ගිහින් දැන් අවුරුදු තුනකටත් වැඩී. හැබැයි කොන්දේසි අතර උඩින්ම තිබුනේ කිසිම කොන්දේසියක් තියෙන්න බැහැ කියන එක. ඒ වගේම කවදාක හරිම නැතිවෙන බවක් දැනගෙන් ආදරේ කරන එක, වෙලාවකට හොදම යාලුවෝ වගේ හැසිරෙන එක, ආයෙත් වෙලාවක තුරුල් වෙලා ආදරේ දැනෙන විදිහ කතා කරන හැටි, උඹ මටම අයිති වෙයිද කියන ප්‍රශ්නය අහන්නේ නැතුව තාවකාලිකව උඹ මගෙත් වෙන බව කියන ගමන් ලං වෙලා ඉන්න හැටි ගැන තියෙන අත් දැකීම හරිම අමුතුයි.

 දැනෙන නිදහස නම් අසීමිත වුනත්, එක මොහොතකදි ඔවුන් ඔවුන් ගැන තියෙන හැඟීම් දිය වෙලා යන්න පුලුවන්, එදාට උඹට දැනෙයි තාවකාලික , ගිවිසුම් ගහපු ලෝකයට අසම්මත වෙච්ච ආදරය ඇතුලෙත් කොච්චර ඊර්ශ්‍යාව තියෙනවද කියලා, එතනත් ආදරේ තිබුන කියලා.

උඹත් එක්ක ගිවිසුමකට තාවකාලිකව ආදරේකරපු කෙනා තවත් උඹේම හොදම යාළුවෙක් එක්ක කොන්දේසි සහිත ආදරේකට යන්න පුලුවන්. කොලයකට අත්සන් තියලා ගිවිසුමකට එළබිලා ඒකට යට වෙලා ලෝකය සතුටු කරන ගමන් ජීවත් වෙන්න සිද්ධ වෙන.

අවුරුද්දක් ගිය තැන ඇමැතුමක් එන්න පුළුවන්, 

ශේන් උඹ එක්ක තාවකාලික ආදරේ කරන වෙලාවෙ අපිට තිබුණ නිදහස දැන් නෑ බන්..ඒත් උඹට මමවත් මට උඹව වත් අයිති කර ගන්න වුවමනාවක් ආවෙ නෑ. උඹ මටවත් මම උඹටවත් සීමා දැම්මේ නෑ. අපි නිදසේ ආදරෙන් හිටිය බන් ඒ ටික කාලෙට. ඒත් ශේන් උඹෙයි මගෙයි ගිවිසුම් කාලය පන්තියේ කාලයත් එක්ක ඉවර වෙනකොටම මට බලන් ඉන්න බැරිවුනා උඹ වගේ නිදහස් එකෙක් නැති වෙන එක බලන් ඉන්න, උඹත් කොන්දේසි සහිත ආදරේකට උරුමකම් කියනව කියන්නේ කියලා දැන දැනම. මට ඕන උනා උඹට ඒ වේදනාව දැනෙන්න දෙන්න, ඉතින් මම කොන්දේසි වලට යට වෙලා උඹේ හොදම යාලුවෙක්ගේ අතින් අල්ලන් උගේ නීතිවලට යට වෙලා ජීවත් වෙලා බලන්න හිතුව.

උඹට රිදුනද ශේන් ඒකෙන්?

ඔව් යකෝ , ඒ තුවාලෙ ඉදල හිටලා පෑරෙනවා උඹේ මූන වගේම උඹ වගේම හැඟින් එක්ක කරන මනුස්සයෙක් අහු වුනාම කියලා කියන්න ඕන වුනත්..කිව්වේ පරිස්සමෙන් ඉදපන් දෙන්නා කියලා විතරයි.

ඒයි ඉදපන් ශේන් මිනිහා ආව ඌත් එක්කත් ටිකක් කතා කරපන් හරි නෑ නේ..පසු බිමෙන් ඇහුනේ මේ වගේ දෙයක්.. ඒයි ඩාලිං චමිත්  මේ ශේන් ඉන්නවා ලයින් එකේ..

මොකක්? ශේන්? අපේ බෙන්ච් එකේ එකට හිටිය එකා නේ.

ඔව් මට අහම්බෙන් පරන පොතක පිටිපස්සේ ලියල තිනුනු නම්බරේකට ගත්තම ඌම ආන්සර් කලා පුදුමයි.

අඩේ ශේන් කෝමද උඹට.කන්ටැක් එකත් එහෙම්ම නැති වෙලා ගියා බන් ක්ලාස් වලට පස්සේ..උඹ දැන් දන්නව නේ කොල්ලා කාවද සෙට් කරන් මැරි කලේ කියලා! උඹේ ඒ දවස් වල බුදු ෆිට් එක දැන් මගේ වයිෆි වෙලා ඉන්නේ! සොරි බන් වෙඩිම කියන්න බැරි වුනාට..

ඒකට කමක් නෑ බන් චමිත් උඹලා සැපේ සතුටෙන් ඉන්නවා නම්. අනිත් දේ චම්මා මට පුදුමයි උඹ වගේ නිති කාරයෙක් එක්ක ඒකි ඉන්නවා කිව්වම.  

අන්න ඒකයි ශේන් කියන්නේ..ඒ ගානට මම හදාගෙන තියෙන්නේ..

එල බන් චම්මා ඕල් ද බෙස්ට්..මම ගන්නම් පස්සේ වෙලාවක..

එල එල ශේන් ගුඩ් බායි සනා..

.................................................

උඹ උඹේ ගානට හදාගෙන නෙමේ බන් ඔය උඹ නිසා ඒකිගෙ හැඟිම් කැප කරලා ඉන්න්. උඹට වඩා ඒකිගේ මූනෙ හැඩේ ගැන මම දන්නවා, එකි සතුටෙන් හිටපු ඒකි  කරන්න කැමති දේවල්, යටම වැලලුනු රහස් මම දන්නවා. මගේ ගැනත් එහෙමයි.. ඒත් මට මාව, නුඹව සහ හෙට අයිති නෑ..

..........

ශේන් දැන් ඔය බීපු ඇල්කොහොහොල් ටික ඇති..වරෙන් මම ගෙදරට ගිහින් දන්නම්..

එල කවි අයියේ..යමන්....

...ටටා..

කවී

ලුණු, ළූණු, සීනි හා ගෝනි.!

සමහර වෙලාවට මිනිස්සු හිත් රිදවගන්නේ හරිම පුදුම ව්දිහට. ජීවිතේ දිහා බලාගෙනම දුක් වෙන මිනිස්සු එක්ක ජිවිතේ විදින්න දගලනවා වගේ ජිවිතේ විදින්න ගිහින් විදවන මිනිස්සුත් ඕන තරම්

වාසනාව කියන්නේ මොකක්ද කිව්වොත් කියපන්. අගල් දෙකක විතර පරණ ඩ්‍රිල් කට්ටක් බයික් එකෙ ටයර් ව්කට බැහැල ඒත් හැමදාම උදේට හුළං ගගහා ඔෆිස් යන එක කියලා. හෙන ගහන්න වගේ හුළං බැස්සේ නෑ නේ. ඒක වාසනාව එක විදිහකට. එක විදිහකට අවාසනාව 

සමහර මිනිස්සු අපේ ජීවිත වලට එන්නේ වාසනාවට තවත් මිනිස්සු අපේ ජීවිත වලට රින්ගන්නේ අවාසනාවට. පව ගෙවනකන් ඒ මිනිස්සු අපේ ජීවිත වල ඉන්නවා. සමහර වෙලාවට හැමදාම උදේට නැගිටලා ඒ මනුස්සයා ජීව්තේ නැති වුනා නම් මොනවගේ ඇතිද කියලා හිතෙනවා.

අද නැතිවෙයි, හෙට නැති වෙයි, අනිද්දා ඒ පව ගෙවලා ඉවර වෙයි කියලා හිතෙනවා..ඒත් එහෙම වෙන්නේ නෑ.කරපු පවක් තියෙනවා නම් ඒක ගෙවලා ඉවර වෙන්න එපැයි.

සමහර වෙලාවට පාන්දර ඇදේ නිදාගෙන ඉන්න ගමන් ජනේලෙට උඩින් තියෙන බීරළු කැටයම් අස්සෙන් මගේ හිත එලියට දුවනවා. ඒත් වා කවුළුවේ තියෙන දූවිලි මගේ ඇගේ ගෑවිලා නෑ. නවතින්න හිතුන වාර ගනන සීමිත වෙන්න එක හේතුවක් වුනේ ඔවුන් දාරාගෙන ඉන්න කහ සිවුර ඔවුන්ටම බර වැඩී කියලා හිතෙන නිසා. සිවුර දරාගෙන කරන බව ගුණාකාරවලින්වැඩි වෙන නිසා.

වෙනසක් තේරෙනවද යාළුවෝ ගැන ..මිනිස්සුන්ට ඇතිදා සීනි හා නැති දා ගෝනි කියන්නේ ඒකයි.

සීනි මිහිරි නිසා උන් සීනි වලටම ඇලිලා ඉන්නවා! ගෝනිය ගැන කතාවක් නෑ! ගෝනිය පරිස්සම් කරන්න උත්සහායක් ඕන නෑ..එත් එක සීනි කිලෝ ගානක් ඉවර වුනාන අර පරණ ගෝනිය කරලියට අරගෙන ගසනවා, සුද්ද කරනවා..ගෝනියට මාර හැපී..ඒත් අන්තිමේ ආයෙත් කොහෙන් හරි සීනි කිලෝ දහයක් ගෙනත් දා ගන්නවා අර ගෝනියට..දැන් පරණ පුරුදු විදිහමයි..ඌ සීනි වලට ආයෙත් වහ වැටෙනවා. ගෝනිය අමතකයි..ලුණු ගෝනියටත් ඒ ටිකමයි..ඒත් නැවත භාවිතය අඩුයි! ළූණු ගෝනියේ කතාව හාතසින්ම වෙනස්! ඇයි ළූණු ඉවර වුනාට ගෝනියෙ ගද යවන්න බෑ නේ ..ඉතින් දානව පාපිස්සකට! උඹට එතකොට තියෙන්නේ දෙනෝ දාහකගේ පයට පෑගි පෑගි ඉන්න..

මට ටිකක් කල් ගියා මේ සංකල්පය තේරුම් ගන්න..

ඒත් එකක් මතක තියා ගනින් සීනි ලුණු හා ළූණු දියවෙලා ගියත් ගෝනි දිය වෙන්නෙ නැති බව ලේසියකට..🖤

මමත් සීනි ගෝනියක්!

ටටා 👋 

කවී.

 

නැවතීම, ගමන් කිරීම, සන්ජාගේ වෙඩිම.

කලකිරීම් වලින් හෙම්බත් වෙන අවස්තාවල මිනිස්සු නවතින්න පටන් ගන්නවා. අහම්බයක් නෙමේ. එක හීනයක් පස්සෙ දුවනකොට තව හීන මහ ගොඩක් එකතු වෙනව මෙච්චරක් කල් එලවගෙන ආපු හීනෙ පොඩ්ඩක් මන්දගාමී කරන්න.

මිනිස්සු ආදරේ හොයා ගන්නේ එක එක තැන් වලින් එක එක විදිහට. හද ගැස්මක් නැති යකඩ ගොඩකට මනුස්සයෙක් ආදරේ කරන්න පුලුවන්. අයිතියක් නැති කෙනෙක්ට මනුස්සයෙක්ට ආදරේ කරන්න පුලුවන්.

හැබැයි ඒ දෙගොල්ලොම නවතින්න හිතන්නෙ  නෑ..කලකිරීම් වලින් හෙම්බත් වෙන්නේ නෑ. ඒක තාව කාලික හිත් බිදීමක් කලකිරීමක් විදිහට සලකලා ආයෙත් ගමන් කරනවා.

මම ආදරේ කරන්නේ එහෙම ජීවිතේ ගමන් කරන මිනිස්සුන්ට !

මගේ හිටපු හොදම යාළුවෙක් සන්ජා ඊයේ ජීවිතේ එකට ගමන් කරන්න කෙනෙක් තෝරගෙන ගමන් කරන්න පටන් ගත්තා. පැටව් ගහලා වගේ රොත්ත පිටින් ඉන්න යළුවන්ට වඩා බොහොම සීමිත යාළුවෝ පිරිසක් තමා හිට්යේ.

සන්ජා කියන්නේ මගේ ජීවිතේ එක් තැනක හැරවුම් ලක්ශයක් නිර්මාණය කරපු ආදරනීයම යෙහෙලියක්! මොන වැඩේ තිබුනත් එදාට එනව කියල වුනු පොරොන්දුව ඉටු කරන්න මම ඊයෙ ගියා! සතුටුයි අපේ එකෙක් එහෙම සතුටින් ඉන්න එක ගැන.

සන්ජාගේ ආසම ජොබ් එක වුනේ මට දරයට දුලියට නම් දාන එක. මේ චිට් එක 2010 සන්ජා අපිට දීපු එකක් ..තාම පරිස්සමෙන් තියන් ඉන්නවා ඒ තිබුනු බැදීම එචරටම ආදරනීය නිසා.

අවුරුදු 15න් පටන් ගත්ත යාළුකමක් තාම තියෙනවා. හිත්වලින් අයින් කර ගන්න බැරි. මොනවගේ හිත් අමනාප කම් ඇති වුනත් ඒ දවස්වල කට පුරා හොදම යාළුවෙක් කියන්න පුළුවන් බොහොම අතලොස්සක් අතරින් එකෙක්.❤️🖤

ආදරනීය උපන්දින තිලිණ අතරින් තව එකක්! මේ සටහනත් දැන් අවුරුදු 10ක් විතර පරිස්සමෙන් තියෙනවා..

කොහිම හරි සන්ජා කියන්නේ ජැක් ස්පැරෝට කිට්ටු නෑදෑ හිතවත් කමක් ඇති පවුලක ගෑනු ළමයෙක්. කවුරුත් ඒක විශ්වාස කරන්නේ නැත්නම් මෙන්න ඒකට සාක්ශි සන්ජාගේ අත් අකුරෙන්ම.

හැබැයි තාම මට ඒ ඤාතී සම්බධතාවය තේරුම් ගන්න බෑ ..ඒකත් හරියට සන්ජා ටූත් බ්‍රශ් වෙනුවට පොල් මුඩ්ඩක් අරගෙන ටූත් පේස්ට් වෙනුවට හාපික් වලින් දත් මදින්නේ ඇයි කියලා හොයනවා වගේ. 

ඒකත් නෑ කියනවා නම් මෙන්න සාක්ශි!

ඒ අස්සේ අපේ ඉස්කෝලෙ  සීනියර් අක්කා කෙනෙක් වෙඩින් එකට ඇවිත්. මල්ශි අක්කා! අහා මේ මල්ලිව නම් දන්නවා අපේ ස්කූල් එකේ නේ හිටියේ කිව්වම. මම දහ අතේ කල්පනා කරනවා මාව කොහොමද දන්නේ කියලා. අන්තිමේ බට්ටිගෙන් අහනවා ඒ අක්කගේ නම මොකක්ද බන් කියලා. ඇයි යකෝ උඹ මල්ශි අක්කව දන්නේ නැද්ද? 

පොඩ්ඩි එහෙන් පැනලා කෑ ගහනවා වෙන විදියක් නෑ උඹ දන්නේ නැත්තේ මොකෝ?

හරි කමක් නෑ කියලා සන්ජාට විශ් කරලා ෆොටෝ එකක් පොඩ්ඩිව බට්ටිව ටැලී ව ටැග් කරලා ෆේස් බුක් එකට දැම්මාම මල්ශි පූර්නිමා කියලා කෙනෙක් කමෙන්ට් එකක් දාලා මගේ ලිස්ට් එකේ ඉන්න අක්ක කෙනෙක්. 

ටැලී කියනවා ඔය ඉන්නේ අදුර ගන්න බෑ කියපු අක්කා ලිස්ට් එකේ කමෙන්ට් එකක් දාලා 😂

අඩේ ඉතින් නයි කයිද රෝස් පාන් නේ. මගේ ඉස්සරහ ප්‍රත්‍යාභූර්ත වෙලා ඉන්නේ ඒ අක්කමනෙ.

.ඕ නෝ!...

ආයෙ ලිස්ට් එකෙන් දෙවෙනි පාරට මල්ශි අක්කව  ටැග් කරනවා ලැජ්ජාව වහ ගන්න. 😁 අදුර ගත්තේ නෑ කිව්වොත් චොරයි නේ 🤣🤣..අක්කේ මට සමාවෙන්න.

කෝමෙන් කෝම හරි සුභම සුභ නැවත ඉපදීමක් සන්ජා. හැමදාම සතුටෙන් ඉදපන්! සුභ පැතුම් අපි හැමෝගෙන්ම.

ටටා!

කවී.

වරා මල වරා මලක් නෙමේ!

 හැම.කතාවකම ආර්ම්භයක් වගේම අවසානයක් තියෙනවා. ශේන් මල්ලිට එහෙම නැති වෙන්න පුලුවන්. 

Crown Flower නැත්නම් Milky weed කියලා කියන්නේ වරා මලට. ජීවිතේ සමහර දේවල් වරා මලට සමාන කරනවා. නමුත් එතන තියෙන්නේ අපේ නොදැනීම.

මමත් වරා මලක් වගේ! මෙච්චර දවසක් වරා මල් වුන කෙනාගෙන් ඒක මම උදුර ගන්නවා.!

හේතුව?

හේතුව තමා වරා මල කියන්නේ උග්‍ර විෂ සහිත ශාකයක්. එත් ඇයි කවි වල වරා මලට සුන්දරම මිනිස්සුන්ව සමාන කරන්නේ. හේතුව වරා මලයි වරා බීජයි මිනිස්සු පටලවා ගන්නවා. 

හුළඟේ පාවෙලා යන්නේ වරා මල නෙමේ.වරා බීජ!

ඉතින් එහෙම වුනාම උඹට කොහොම කියන්නද වරා මලක් කියලා මෙච්චරක් අහිංසකයි කියලා දැන දැන! වරා බීජයක් කියන්නත් බැහැ මොකද උඹ ව්ෂ පැල කරන්න බෙදා හැරීමක් කරන්නේ නෑ. උඹ ඒ තරමට සියුමැලි  වැඩී මේ ගෙන්දගම් පොලවට. උඹේ කොහෙවත් විශ නෑ කියලා මම හිතනවා.

ඉන්න..අපි ලස්සන මලක් හොයා ගමු හුළඟේ පාවෙලා යන.! 

ඒත් එක දෙයක් තියෙනවා වරා මල් වගේම වරා ගහේ හැම කොටසක්ම සිංහල බෙහෙත් විදිහට යොදා ගන්නවා.

ඒත් බෑ පොඩ්ඩ ඇත්නම් රතුවෙන උඹේ ඇස්වලට ඒවාට නම් බෙහෙත් කරන්න බෑ.

උඹ අර පුංචි පෝච්චියක පැල කරලා කඩයක් ඉස්සරහා තිබුනු බේබි රෝස මල් පැලයක් වගේ. පෝච්චියේ තියෙනකන් හැමෝම ට්‍රයි එක උස්සන් යන්න. නැවතීම නුවර හරි යාපනය හරි ගාල්ල මාතර හරි වෙන්න තිබුනු අවස්තාව නැති වුනු එක ගැන හිත යටින් සතුටුවෙනවා..ඊටත් වඩා සතුටු වෙනවා උඹව ඔය පෝච්චියෙන් ගැලවිලා පස් තියෙන පොළවේ පැලවෙන්න හදන එකගැන..කාටවත් හිතුනු හිතුනු වෙලාවට උඹව උස්සන් යන්න බැරි  වෙන්න.

උඹට මමත් ආදරෙයි .ඒ නිසා කඩා ගන්නේ නෑ! පුලුවන් වෙලාවට වතුර ටිකක් දාලා උඹ ලස්සනට පිපෙන්වා දකින්න තිබුන නම් ඇති.

.කවී.

බඩගින්න හා ආසම කෑම!

කකුල් දෙකම උඩ දාගෙන ඉන්න ඕන වෙලාවක සප්ත්තු දෙකට කකුල් දෙකම තැම්බෙන්න ඇරලා මම ඉන්නේ රටක් රාජ්ජයක් ලැබුන වගේ.

මිනිස්සුන්ගේ හිනාවට ආදරේ කරන්න ගත්තම ඒක ඇබ්බැහියාවක් වෙනවා! මාස්ක් එකකට මූන වැහුනම ඒ හිනාව හොයන්න දගලනව. ඒ හිනාව හොයන්න්න වෙන මහන්සිය සමහර වෙලාවට හිස් ඒ ෆෝ කොල අතර ප්‍රස්ථාර ගත වෙන්නේ කියන්නත් කලින්.

ඇස් අදිනව මකනවා.ආයෙත් ඔලුවට ගන්න දගලනවා නෑ මීට වඩා පොඩී කියල හිතෙනවා. ආයෙත් මකනවා අදිනවා. ආයෙමත් ටික වෙලාවකින් හිනාව වෙනස් කියලා හිතෙනවා. මිනිස්සු හිත දුවනවා කියන්නේ හේතුවක් ඇතුව කියලා මට හිතුනේ දාඩිය පෙරාගෙන ඔෆ්ස් ඉවරවුනු ගමන් ඇවිත් පැන්සල අරගෙන ඇස් නිවැරදි කරන ගමන්.

වෙලාවකට නීරස ජීවිතේ ඒකාකාරි වේගන එනකොටම හිතෙන්නේ හිත මස්කට් කෑල්ලක් කියලා . ඔබලා බලනවා හපලා කනවා ගිලිනවා!

 රෑට ගෙදර යන ගමන් කොහෙ හරි අයිනක බයික් එක නවත්වලා ටිකක් වෙලා ජීවිතේ හති ඇරලා ඒකාකාරි කියන දෙයින් ටිකක් ඈත් වෙලා හිතනවා යන්න තියෙන දුර වගේම ආපු දුර. ඒ එක්කම හිතට එන්නේ යන්න තියෙන දුර අවසන් කලාම අදට! එතනත් තියෙන්නේ ඒකාකාරී බව. රෑ හතයි මාර වෙනකොට රෑ කෑම කාලා ඉන්න කෙනෙක්ට තවත් කෙනෙක්ගේ බඩගින්න  ගැන හිතනවා කියන්නෙත් සතුටට කාරනාවක්.

"දෙයක් අහන්න ඕන ඇහුවට කමක් නැද්ද කියලා වට්සැප් එකේ උඩින් නොටිෆිකේශන් එකට රිප්ලයි කරනවා කියන්න කියලා"

කෙනෙක් නැති වුනාම ඔයාට දැනෙන්නේ පාළුවක්ද නැත්නම් නිදහස් බවක්ද?

මනෝ ව්ද්‍යාත්මක ඇඩ්වයිස් එකක්මද කියන්න මම තාම දැනුමෙන් පිරිලා නැහැ . 

හිතත් එක්ක පොඩි විවාද කීපයක් කරලා දුන්නු පිලිතුර වුනේ "නිදහස" කියන වචනය.

ඒත් අදහස තහවුරු කරගන්න මම ඇහුවා..එහෙම අහන්න හේතුව .

හේතුව මේකයි ..කෙනෙක් නැති වුනාම පාලුවක් දැනුන නම් ඔයා ඒ කෙනාට කැමතියි ඒත් අනිත් අයගෙ මත වලට කැමති නෑ. ඒත් නිදහසක් දැනෙනවා නම් ඒක සම්පුර්නයෙන් වෙනස් කතාවක්!

මට අමතක වුනා සදහන් කරන්න කලින් මම මනෝ  විද්‍යාව සම්බන්දව පාඨමාලාවක නිබන්ධන් සේරම තනියම අද්‍යනය කරපු බව.

ඔයාට බඩගිනි වෙන්නේ ඇත්තටම බඩගිනි වෙන නිසාද නැත්නම් ඔයා ආස කෑම ජාති සිහියට එන නිසාද කියලා අහන්න හිතුනත්. ,

ඒ වගේ බර ප්‍රශ්නයක් දාලා ඔලුව කලවම් කරන්න එපා කන්ෆියුස් කරන්න එපා කියලා ඉල්ලිමක් කරලා තිබුනු නිසාම මම ඒ ප්‍රශ්නය අහන්නෙ නැතුව අහගෙන හිටියා.

හැබැයි ඒ කියපු කතාව නම් ඇත්ත.! මොනව වුනත් අඩුම ගානෙ තමන්ගේ එකාකාරී ජීවිතෙන් තත්පරයක් හරි මන් ගැන බලන්න වෙන් කරන මනුස්සයෙක්ට මමත් ආදරේ නොකෙරුවොත් තත්පරයක් වෙන් නොකෙරුවොත් අපි මිනිස්සු වෙලා ඉන්න එකෙන් තේරුමකුත් නෑ.

ඒකයි මම කියන්නේ මම බොහොම සුළු පිරිසකට ආදරේ කරන්නේ කියලා. මොකද ඒ කීප දෙනා නැති වුනොත් ඇත්තටම මට පාලුවක් දැනෙනවා කියලා මට හිතෙන බව මම දන්න නිසා. ඉතින් තියරියට අනුව මම ආසයි වගේම උන්ට ආදරෙයි.

ආදරේ කරන මිනිස්සු දිහා මම බලන්නේ ඇස් දාහකින්.👀😁

තාම ඔෆිස් එකේ ඉන්න් එකත් අමරණියයි අපි රෑ අටහමාරත් වෙලා!

කමක් නෑ හැමෝටම..

ජය වෙවා!

.කවී.

ඔබට ඉසුරු බර දිගු රාත්‍රී කාලයක් වේවා.

චක්‍රවර්තී ඉස්සා හා වක්‍රා කාර අව් කණ්නාඩි

 ජීවිතේට එහෙන් මෙහෙන් යාළුවෝ කියා ගන්නා බොහෝ දෙනෙක් හිටියට ඇත්තම යාළුවො කියන වචනය දෙන්න අමාරු අවස්තාවන් ඕනෑ තරම් අපිට අත් විදින්න පූලුවන්.

බෝක්කු කටක් ඇරලා කිරි දත් පෙන්නලා හිනාවෙන අවුරුදු විසි හතක ලාබාල මිනිස්සු.

එක තැනක මම කියවනවා " කර්මය ගෙවා ඉවර වුනු පසු / පව ගෙවී ගිය පසු මිතුරා ලෙස පෙනී සිටි  බැදීම්  හෙමින් ජීවිතයෙන් අයින් වෙන බවයි.

මට උඹලාත් ටික ටික ඈත් වෙන්නේ සමහර විට උඹලාගේ පව් ගෙවීගෙන යනවා ඇති. මම කැමති නෑ මගේ පව් ගෙවිලා ගිහින් උඹලා ඈත් වෙනවා දකින්න.

සමහර වෙලාවට හිතට වේදනාවක් ක්ශනිකව ඇවිත් " අඩෝ අඩෝ උඹට නෙමේ බන් කිව්වේ" කියලා කියයි. 

වෙන්න බෑ! මන් නොදැක ඉන්න තිබ්බා එහෙනම්. ස්ටේටස් එකකට වඩා දැන ජීවිතේ ටික ට්ක පේනවා මන් හිතන්නේ. උදේ  අව් කණ්නාඩි දාගෙන බයික් එක පදින නිසාද මන්දා ජීවිතේ ටිකක් අදුරුවට තමා පේන්නේ.

ඉදලා හිටලා කණ්ණාඩිය පහත් කරලා බලනකොට ඇත්ටටම තියෙන්නේ ඇහැ කඩාගෙන යන ඉර එලියක් දිස්නයක්. ඒකට කැමති නෑ අපි! ඇයි? ඇත්තටම ඇත්තට මුන දෙන්න අපි ශක්තිමත් මදි.. රස්නේ වැඩි කමට ඇස්‍ රිදෙන එකෙන් ඔලුව රිදෙන එකෙන් බේරෙන්න අදුරේ ඉන්න බලනවා. අතර මැදින් කළුවර කර ගන්නවා.

මිනිස්සුන්ගේ මොල වලට හැඟීම් කියන ග්‍රීස් ටිකක් උලලා හදවතට ඇත්ත නැත්නම් යතාර්ථය  කියන ඔයිල් කෑන් එකෙන් ලීටර් දෙකක්වත් දාන්න ඕන. හරියට වැඩ කරන්න නම්.

උඹ මම පොදුවේ මොනවා කරනවා ඇති කියලාද හිතන්නේ. නෑ අපේ එක සමාන ගති ලක්ශණ නෑ ..උඹ උඹේ විදිහයි, මම මගේ විදිහයි දරා ගන්න අමාරුනම් ඔහොම්ම ඔතනින් ටිකක් වාඩි වෙයන්.

...

සෙනසුරාදා කුක්කා, ශේන්, ගිස් එක්ක රැම්බෝ අපේ ගෙදර කලින්ම නත්තල් අරන් ආවා. කුක්කා ටයිප් සී ටු ත්‍රී පොයින්ට් ෆයිව් කන්වර්ටර් එකක් වගේම තඩි චොක්ලට් අයිස්ක්‍රීම් කප් එකක් උස්සන් ඇවිත් තිබුනා.

රෑ හතට එනව කියපු එවුන් රෑ නමයයි තිහට ආවාම දැනෙන සතුට වචන වලට පෙරෙලගන්න බැරි කමට කෑම මෙසෙ තිබුන පපඩම් කෑල්ලක් ජර බර ගාලා බර දාලා හැපුව .

වාඩි වෙලා හිටියෙ සෝෆා එකක උනත් විනාඩියක් දෙකක් යනකොට කුක්කාට ඒකෙ වාඩි වෙලා ඉන්න බැරි ගතියක් පෙන්නුම් කලේ හරියට පඩුපුල් ආසනය උණුවුනු ශක්‍ර දේවේන්ද්‍රයා වගේ. 

බැරිම තැන මුණ පුරා වැවුනු රැවුල අස්සෙන් වචන කීපයක් ආවා! අයියේ අරක ටුක් එක ඇතුලේ..කාමරේට ගෙනියමුද? කන්න කලින්ම..

මම හා කියලා කට වැහෙනකොට උන් හතර දෙනා වාහනේ ගාවට දුවල ඉවරයි. එතන නිකම් පන්සලක් වගේ. නිස්කලංක නෑ . ක‍ඨින චීවර පිංකමක දානෙ ඉවර උනාම ඉතුරුවුනු කෑම බෑග් වලට දා ගන්ම පොරකන උපාසක අම්මලා වගේ. නැත්නම් පිරිකර එකක් අරන් පෙරහැරේ ඉස්සරහින් යන්න පොරකන සෙට් එකක් වගේ මුන් ටික. බෝතලෙ මම ගන්නෙ බොඉතලෙ මම ගන්නෙ කියලා රන්ඩුව. කොහොම හරි රැම්බො නැත්නම් ශේන් මල්ලි බෝතලෙත් අරගෙන කාමරේට ආවෙ වෙනදා පඩියෙන් භාගයක් බෝනස් දෙන කම්පැණියක පඩියට පඩියක් බෝනස් හම්බවුන එකෙක් වගේ හරිම සතුටෙන්.

කුක්කා ආපු ගමන් බැලුවේ කාමරේ ඇති එකඑක ගැජමැටික් දිහා... හරියට පහ වසරෙ පොඩි එකෙක් වැඩිහිටියන්ට පමණයි ලේබල් එක ගහල තියෙන ෆිල්ම් කටවුට් එකක් දිහා බලන් ඉන්නවා වගේ.  හැබැයි ඌ අන්තිමට කිව්වේ අයියේ අර ඔක්ස්ෆර්ඩ් ඩික්ශනරිය මට දියම කියලා.

මට නිකන් කරන්ට් එකක් වැදුනාවගේ. මලල සේකර එක්ක තරහකට මූ එහෙම කිව්වාද කියලා මම ඇහුවා.

ඌ කියනවා ඕකෙ පිටු හොදට රෝල් වෙනවා..කොටන් බටන් නැති වෙලාවකට කන හාරන්න නියම භාන්ඩෙ කියලා.

ඊලඟට කුක්කා හැරුනේ හදලා තියෙන බයිට් දිහාවට. මොනාද මන්දා පූජනීයක දෙයක් බලන්වා වගේ තමා වහල තිබුන කොලේ අයින් කලේ. අයින් කරපු ගමන් කලේ එක ජාතියකින් ටික ටික කාලා බලපු එක.

එහෙම කරලා ඩෙවල් දාලා තිබුන සොසේජස් පිඟාන ඌ ලඟින් තියා ගත්තේ සෝස් සහිත බැදපු සොසේජස් ශරීරයට අහිතකර බවත් , තමාගෙ මිතුරන් එසේ සෞඛ්‍යය ට අහිතකර දෑ ආහාරයට ගැනීම වැලැක්වීම තමන්ගේ යුතුකමක් බවත් ප්‍රකාශ කරන ගමන්මයි.

ඉනික්බිත එළබුනේ ව්‍යවසනකාරී වාතාවරණයක්ම්මමය. හේතුව බයිට් අතර ඩෙවල් දැමූ ඉස්සන් නොමැති විමය. එක දිගට කොරියම් ටෙලි ඩ්‍රාමා හතක් පෙන්වා කුලප්පු කරන කුළු හරකෙක් සේ මද කිපී සභා ගර්භය තුල ඌ ගුගුරන්නට වුනේ . ඉස්සන් මෙහි නොසිටීම තමාද මෙහි නොසිටීමට තරම් වන කාරනයක් තරමට ප්‍රභල වන බවත්. නමුත් ශේන්  කී පරිදි ඉස්සන් සැපයුමේ යම් අඩුපාඩු ඇති නිසා සමාව භාජනයට දමා අදට සොසේජස් කෑලි වලින් සැනසෙන්න උත්සහා කරන බවත්. නැවත් මෙවන් දහම් කරුණු සාකච්ඡා කරන රැස්වීමකදී ඉස්සන් නොසිටිම ඔහුට කරන අපහාසයක් බවත් පවසමිනි.

ටිකක් වෙලා ඌ දිහා  බලා හිටපු ශෙන් කීවේ මවන් යකො.  තෝ මුලින් අනගාරික ධර්මපාල තුමා වගේ බෙල්ල වටේ ඔතාගෙන ඉන්න කවී අයියාගේ පා පිස්ස බිමට ගලවලා දාපන් උඹට මුකුත් නෙමේ වෙලා තියෙන්නේ , උඹට වෙලා තියෙන්නේ කවී අයියාගේ ඌශ්නෙ වැදිලා තියෙන එක.

ඒත් බම් ඒ පාපිස්සක් නෙමේ මගේ ටවල් එක..

අහ් .. කවි අයියේ මම හිතුවේ දෑස කඩාගෙන කදුලැල් එන තරමට දිස්නේ දෙන බැබලෙන මේ රෙදි කෑල්ල පාපිස්සක් කියලා. ඒ තරමට ඒක බැබලෙනවා ඒකයි කියා පවසා අඩක් පිර වු වීදුරුවේ අඩියේ ඇති ලාංජනය තමාට බලන්න වුවමනා බව පවසමින් උගුරට ඇල්කොහොහොල් ට්ක හලා ගැනීමයි.

මේ ආරම්භ වන්නේ ..අලුයම තුරා ඇදී යන බඩ බොකු ඇඹරෙන බඩවල් කොරවෙන සමය බැවින් ප්ලේ වෙමින් තිබුන ඕඩ්යෝ එක තව ට්කක් ශබ්දය වැඩි කර නිසොල්මන් වීමි..

අලුයම ගෙවුනු හැටි හෙට!

ටටා 👋 

කවී.

වාල්මිකී ගේ රාමායණය හා ඉශිතා ආන්ටී

 හැම මාසෙකම වගේ ඒ මාස වල ඉපදෙන එවුන්ට මොනවා හරි දෙයක් කියනවා වගේ තමා නොවැම්බර් වල ඉපදෙන් එවුන්ට කියන්නේ වාසනාවන්ත් එවුන් කියලා. හේතුවක් හොයන්න තරම් තාම මම නම් දියුණු වෙලා නෑ.

රෑ මැද්දේ හීනියට ඔලුව රිදෙනකොට රාමායණය සිංහල පරිවර්තනය කියවන ගමන් කල්පනා කලේ ඇත්තටම මිනිස්සු දෙයක් ලියනකොටත් මෙව්චර ආත්මාර්ථ කාමී වෙනවද කියලා. රාවණව දුශ්ඨයාගේ චරිතයට දාලා වෛරයක් ඇති කරන්නයි වුවමනාව. 

සීතාව පැහැරගෙන යන එක ලොකුවට ලියලා තිබුනට රාවණගේ ඤාතියෙකුගේ කන රාම ගේ සෙට් එක විසින් කපන එක ගැන ලොකු විස්තරයක් නෑ! ඒකෙ කියන්නේ නෑ කන කපපු සීන් එකේ ගේමට රාවණ සීතාව පැහැරගෙන එනවා කියලවත්. තවත් කෙනෙක් ගේ නහය කපලා දාන්න තරම් රාමා ගේ ගැන්සිය කොච්කර මිලේච්ඡ ද කියලා.

අනාදිමත් කාලයක ඉදන් රචකයා තේරුම් අරන් තියෙනවා නහයෙන් අඩන වැලපෙන ලව් ස්ටෝරි මිනිස්සු තදට කියෝනවා කියලා. සමහර විට ඇත්තටම වාල්මිකී ආනාගතය පේන තරමට හිත දියුණු කරගෙන හිටියනම්  අනිවා දකින්න ඇති සමස්තයක් විදියට ඉන්දියාවේ හා අපේ මේ හෙල දිවයිනේ ක්‍රීම් උලා සුදුමැලි වෙන උන්ට සාපේක්ශවම ඉන්දියන් මෙගා ටෙලි නාට්‍ය බඩ වැල වගේ අවුරුදු දහය දොලහ ඇදීගෙන යනකොටටත් උන් බලන බව. 

එතකොට අපේ පැත්තෙන් මක්කැයි වෙලා තියෙන්නේ. හැමදාම වගේ නැවිලා ඉන්න සීන් එකක් තමා පේන්නේ.   මේ ආදරයයි ටෙලි ඩ්‍රාමා ඒකේ ඉශ්තා ලැට් එකට යන එකත් ඒකේ ඇතුලෙ කලන්තෙ දාලා වැට්ලා ඉන්න එකෙන් එපිසෝඩ් විස්සක් විතර ගහගන්න පුලුවන් කියලා උන් දන්නවා. එපිසෝඩ් දහයක් ඉශිතා ඇන්ටි ලැට් එකේ සිහි නැතුව වැටිලා ඉන්න එක පෙන්වනවා තව එපිසෝඩ් දහයක ගෙදර මිනිස්සු දොරට ගගහ අඩන සීන් එක දානවා. මාසයක් ඉවරයි!

ඒ වගේ වෙලාවක මිනිස්සුට ඇතිවන ත්‍රිල් එක මොකක්ද කියලා හිතා ගන්න බෑ. ඒවා එක එක කැටාගරිවලට කඩන්න පුලුවන්.

1- ඉශිතා ආන්ටිට සිහිය ඇවිත  දැන් ලැට් එකේ දොර අරී කියලා බලන් ඉන්න සෙට් එක

2- රමන් අංකල් ලැට් එකේ දොර කඩයි කියලා බලන් ඉන්න සෙට් එක.

2- ඉශිතා ඇන්ට් ලැට් එකෙ සිහිය නැතුව වැටිලා ඉන්න්නෙ කක්කා දානකොටද නැත්නම් චූ දදා ඉද්දීද කියලා හිතන සෙට් එක.

4- මොන මගුල හරි කමක් නෑ ලැට් එකට යනවා නම් ඉශිතා සාරිය උස්සගන්න ඕන බව දැනගෙන බලාගෙන ඉන්න සෙට් එක.

5- මම වගේ උන්.....ඒ කියන්නේ එහා ගෙදර මහ හයියෙන් මේ ආදරයයි ටෙලිය බලන්කොට උන් ලැට් එකේ දොරට තඩිබාන් සද්දේ එකේ ඉශිතා ලැට් එකේ දොර අරින්න කිය කිය  දහ දොලොස් දෙනෙක් කෑ  ගහනකොට එක පාර ඒ සෙට් එකටම බඩේ අමාරුවක් ඇවිත් ද කියලා කල්පනා කර කර මනෝ පාරක් දාන උදවිය.

 

වාල්මිකි සිරා ඩෑල් එකක් තමා ඒහෙම බලනකොට. කොල්ලා දැනගෙන ඉදලා තියෙනවා මිනිස්සු මොනවටද ආස වෙන්නේ කියලා. සීතා ගින්දරට පනින එකත් හෙන ආදරනීයව ලියලා මිනිස්සුන්ගේ හිත්වලට ඔබ්බලා තිබුනා. ඒකනේ අසුවෙ අග භාගය ව්‍ර්නක්න්ම ඉන්දියාවේ ගැහැනු සැමියාගේ චිතකයට පැනලා දිවි තොර කර ගත්තේ.

ඒත් ඉන්දියන් මෙගා ටෙලි ඩ්‍රාමා ආවට පස්සේ ගෑනු උදවිය ඒම නෑ.ඕව ගැන හිතන්න වෙලාවක් නෑ. වාල්මිකි ඕකය්හ් දැනගෙන ඉදලා තියෙනවා.

මොනා කරන්නද වාල්මිකි දුක තමා! හයි ටෙක්නෝ බිට් එකට රාමායනය ප්ලේ වෙනකොට අපිටත් තියෙන්නේ නටන්න දැන්. 

නටපන් සරමත් උස්සන් නටපන්..

ටටා..

කවී.