මනා සේ දැනගෙන ගොනා සේ ඉන්න කටුස්සා සහ විකල්ප මත දාරී බෝදිලිමා

ඇමතුම දීර්ඝ වෙන තරමට මිනිස්සුට හැඟීම් කියන දේ ටික ටික අඩු වෙන්න පුලුවන් කියලා හිතෙනවා.

අපේ ඔෆිස් එකේ ඇහෙන ප්‍රධානම කියමන් වලින් එකක් සහ මගේ ප්‍රියතම කියමන වෙන්නේ "මනා සේ දැනගෙන ගොනා සේ ඉදීමද කලාවකි"

අනුගත වීමක්! අපි ඇතුලාන්තයේ යම් තැනකදී කටුස්සන් වීම විශේෂත්වයක් .

කෙටි කාලීන අරමුනු වෙනුවෙන් බෝදිලිමෙක් වී සේවයේ නියතු වීම විෂය පරිභාහිර ක්‍රියාකාරකම් කැටගරිය ඇතුලට දාලා නිල් කලිසම අදින කාලෙ ඉදන් ඔලුවට දානවා. ඒ පුරුද්දටද මන්දා අපි හරි හෝ වැරදි කියන දේට ඔලුව උස් පහත් කරලා එන්නේ.

පෞද්ගලික මතයනම් හැම එකටම ඔලුව වනන බෝදිලිමෙකුට වඩා ඕන තැන පාට වෙනස් කරන කටුස්සෙක් වෙන එක් හොද බවයි. නමුත් අනුගත වීම භයානක වෙන අවස්තද වැඩී.

ටටා.

.කවී.

ශනිදා නින්ද හා මිනීමැරීම

 ජීවිතේට එහෙන් මෙහෙන් එකතු කර ගත්ත දේවල් එක්ක ආපු දුර හොදයි. ඒත් අනන්‍යතාවයක් මගේම කියලා තියෙන තැනක ජිවත් වෙනවට වඩා යන ඕනම තැනක මගේ කියල අනන්‍යතාවයක් තියාගත්තනම් ඇති.

මිනිස්සු හිනාවෙන්නේ හරිම ලස්සන විදියට, හිනාවෙනකොට ලස්සනයි කියනවා. ඒත් හිනා වෙන මූනට යටින් තියෙන තරහව ඊර්ෂ්‍යාව ගැන අපි දන්නේ නෑ. කේන්තියට මූන ඔරෝගෙන කලු කරගෙන ඉන්න මිනිස්සු ආශ්‍රය කරන්න බය වෙන්න ඕන නෑ. කොච්ච්‍ර කේන්ති ගියත් මූනෙ හිනාවක් තියන් ඉන්නව නම් බය වෙන්න ඕන. මොකද හිනා වෙවී මිනී මරන්න පූලුවන් මිනිස්සු ඉන්නවා තාම ලෝකෙ.

අපි සාමාන්‍ය ජනතාව තවම!  හැම සෙනසුරාදාවකම ටිකක් දවල් වෙනකන් නිදා ගන්න හීන මවන. ඒකත් වෙලාවකට ඔෆිස් එකේ පඩි වැඩි වෙයි කියලා බලාපොරොත්තු වෙනවා වගේ.

දියඇලි, මිනිස්සු සහ කලු කුහරයක්

කොහෙන් හරි එන විදිහ නෙමෙයි ආපු විදිහ ගැන  හිතන එක වැරදි කියලා කියන මිනිස්සු ඉන්න තැනක් ජීවත් වෙන එක දුකක් කියලා කියන්න පුලුවන් මටනම්.

මිනිස්සුන්ගේ ජිවිත වෙනස් වෙන්නේ දිය ඇල්ලක් වගේ. ආදරේ කියන්නේ මිනිස්සුට ඔය දිය ඇලි වල තියෙන ගැඹරු වලවල් වෙන්න පුලුවන්.

ඔෆිස් එකේ ඇවිදින විනාඩි ගානට පහු කරන හැම මනුස්සයගේම එක පුන්ච්  හරි හැසිරීමක් ඔලුවට දා ගන්නෙ පොඩියට හරි පැටලවීමක් ඕන නිසා. කන ගමන් හරි කල්පනා කරන්න දෙයක් ඕන නිසා.

වෙනද ..ව්ක පිට එක වට්සැප් එකේ මැසේජ් එවන ශේන් කිසි කතා බහක් නෑ. ඇයි ඒ නොහිමි දෙයක් පස්සේ ගිහින් කලකිරිලද! නැත්නම් තාමත් ඒ නොහිමි දේවල් තාවකාලිකව ලං කර ගන්න උත්සහා කරනවද?

ෆොන් එකෙ ඩේට ඔන් කරලා වචන දෙක තුනක් දැම්මා ශේන්ට. ඕයි උඹ මැරිලද? කියලා අහලා.

පැය ගානකට පස්සෙ රිප්ලයි එකක් එනවා. නෑ තවම ජීවත් වෙනවා අයියේ.හැබැයි මගේ ඇතුලාන්තයෙන් මැරිලා කියලා මට හිතෙනවා..

ඇයි ඒ!

මම දේවල් තේරුම් ගන්න ගමන් ඉන්නේ කවී අයියේ අපි නොහිමි කියලා තේරුම් ගත්තට මගේ හිතේ තාම ආශාවක් තියෙනවා මගේ වැට පැනලා යන්න, ඒ කෙල්ලටත් වැට පැනලා එන්න කියන්න. පොඩි වෙලාවකට හරි අපේ වෙලා. ආපහු දන්නේ නෑ වගේ ඉන්න.

හරි උඹගෙ ජීවිතේ ගැන ඇහුවම උඹ දෙන උත්තරේ ඕකද?

ඔව් අයියේ උඹ මගෙන් අනාගතේ ගැන නෙමෙයි නේද ඇහුවේ. මේ වර්තමාන ජීවිතේ හිර වෙලා ඉන්නේ මම.

වෙලාවකට උඹ කියපුවා හරි කවි අයියේ  , මම වෙලාවකට අසහන කාරයෙක් වෙන්න පුලුවන්. මම හීන දකින්නේ අර කෙල්ලගේ ඇඟේ ඇදුමක් නැතුව මට තුරුල් වෙලා ඉන්න හීනයක් වෙන්න පුලුවන්. 

හරි ශේන් හීනයක්! මිනිස්සු කොච්චර හීන මවනවද..අනික උඹම මට කිව්වා  දවලට් දෙව දූතයා වගේ රඟපාන චරිත් රෑට සිය දහස් වතාවක් මනසෙන්ම දූෂනය කරනවා කියලා. එහෙම එකේ උඹේ හීන සාදාරණයි වගේ නැද්ද? උඹට දකින ඕනම කෙල්ලෙක් හීනවලට එන්න දීපන් කමක් නෑ ..ඒත් සිතුවිලි වලින් උබ කරන්නේ යුද්ධයක් කියන එක මතක තියා ගනින් . උඹ දැනට කී දෙනෙක්ට ආදරේ කරනවද?

ඒක දන්නේ නෑ කවී අයියේ. හැබැයි තට්ටු හතරේ පන්තියට ආපු දවසෙ ඉදන් මගේ ජීවිතේ වෙනස් වෙන්න ඒ කෙල්ලත් බලපෑවා. 

උඹ හිරවෙලා ඉන්න තැනින් මුලින් එලියට වරෙන්, මුලින් උඹ තීරනය කරපන් කොහොමද එලිය එන්න්නනේ කියලා.

මේ  කලු කුහරයක්! 

ඔව් වෙන්න පුලුවන්!

මම මුලදිම කිව්වා අයියේ මේක අපි දෙන්නම අවබෝධයෙන් යන ගමනක් කියලා. ඒත් මේ ගමනෙ අවසානය ඒ කෙල්ලව තුරුල් කරගෙනම ඉන්න එක නෙමේ කියලා තේරෙනවා. ඒ කේල්ල අදින පාට පාට දෙනිම් වෙන්න පුලුවන් නැත්නම් ගවුමක් වෙන්න පුලුවන් අත් නැති ස්කිනියක් වගේ එකක් වෙන්නත් පුලුවන් , මම ඒවා වල.ලස්සනක් දැක්කේ පස්සෙ මම දුර්වල වුනා ඒ කෙල්ලගේ බෙල්ලේ පපුවෙ තියෙන පාටට. මම ඒවා වලත් ලස්සන් දකින්න ගත්තා කල් යන්කොට මට පාට ඇත්තට අතින් අල්ලලා විදින්න ඕන වුනා! එතකොට මට දකින්න ඕන වුනේ ඇදුම් අතරෙන් පපුව නෙමේ. උඩින් තියෙන ඇදුම් නැතිව ඒ කෙල්ල මොන වගේද කියන එක.

උඹ හරි කවී අයියේ මම ඉන්නේ දැන් දවල්ට දේවදූතයා චරිතයෙන්වගේම රෑට ගිනි ගන්න අමනුස්සයාගේ චරිතය ගන්න ගමන්..

උඹ එහෙනම් දැනටමත් ආශාව කියන කලු කුහරෙ ඇතුලෙ ඉන්නෙ පුතා. මට උඹට පරිස්සමෙන්  ගිහින් වරෙන්  කියන්න බැහැ.! ඒත් සුභ ගමන්!

ජෙනරේටර් !

 සමහර තැන්වල තිබුනේ ආදරේම නෙමේ තරඟයක්. මම දැක්කේ තරඟයක්! මිනිස්සු එකෙක්ට නොදෙවෙනි වෙන්න දරණ උත්සහායක්!

තව අවුරුදු තිහකින් පස් වෙනවා කියලා දැනගෙන ගතකරපු කාලය වගේ ඒ තිහත් ගෙවල දාන්නෙ නැතුව හද දිහා බලාගෙන හූල්ලන්න. නීල් ආම්ස්ට්‍රොන්ග්ට හිතින් බනින්න ඉර්ශ්‍යා කරන්න.

ශේන් මල්ලිගෙ හැම වට්සැප් ස්ටේටස් එකකම මොකක් හරි හැන්ගුන අදහසක් තියෙනවා කියලා මට තේරෙනකොට මට වයස විසි හයයි.ඌට විසි තුනක් නැත්නම් විසි හතරයි

ඌ ජීවත් වෙන්නේ ජීවිත දෙකක් ඇතුලෙ. උගේ අයිතිය තියෙන ආදරේ සහ අයිතියක් නැති ආදරේ එක්ක. ආදරේ විදුලි බලය වගේ සහ අයිතියක් නැති ආදරේ ජෙනරේටර් එක වගේ කියල තමා ඌම හදුන්වා ගන්නේ.

විදුලි බලය පැයකට නවත්වපු ගමන් මුලු කොලඹම නවතිනවා වගේම තමා එහෙන් මෙහෙන් ජෙනරේටර් වලින් දුවන ලොකු ලොකු බිල්ඩින් වගේම කොටුවෙ පාර දෙපැත්තෙ තියෙන පොඩිපොඩි කඩ. එත්කොට සමාජ තලයක් නැහැ ලොකු බිල්ඩින් වල ලොකු ජෙනරේටර් වගේම පොඩි කඩවල පොඩි පොඩි බැකප් හෙනරේටර් හරි දුවනව නොපෙනෙන්න.

එත් අපි හිතන්නේ ජෙනරේටර් නෑ කියල හැම තැනම!සමහර වෙලාවට හැමෝගෙම හිත යට තියෙන  ආශාවක් තමා ජෙනරේටර් එකක් කියන්නේ එහෙම බැලුවම.

සමාජය ඉස්සරහදි එක් කොටසකට   ඌ හෙන නරුමයෙක්! ඩබල් ගේම් කාරයෙක්, තවත් කෙනෙක්ට සැනසීමක් සතුටක් ! තවත් කෙනෙක්ට හිසරදයක් , වගකීම් කන්දක් පටවපු ඔලුවක්.

ලඟටම වෙලා ටියුට් ස්ට්ලේපර් කරනකොට, කාඩ් මාර්ක් කරනකොට දැනුන ආදරේ වෙනස් වෙන එකක් නෑ කියලා තමා ශේන්ගේ විශ්වාසය. ඒත් කවදාවත් දෙන්න තනිවෙලා කතා කරලා නැහැ. අමුතුයි!

ටටා.

කවී.

බෝක්කු ගෝල්ඩ්ෆිශ්ලා සහ ටැංකියේ සාරි ගප්පි

ජිවිතේ කොහිමද කියලා ඇහුවොත් අපිට උත්තර  දීගන්න පූලුවන් වෙයිද කියන ප්‍රශ්නය ඇති වෙන්න ඉඩ තියෙනවා.

සුන්දර මිනිස්සු විදවන එකත් එක අතකට ලෝක න්‍යායක් වෙලා !

එහෙම් පිටින්ම ජීවිතේ කනපිට ගැහෙන්න තරම් ජීවිත ඇහැට අහු වුනාට ගනන් ගන්නේ නෑ.

ඒක නිකන් අපේ ගෙදර මාලු ටැංකියේ සාරි ගප්පියෙක් තියාගෙන බෝක්කුවෙ බෝවෙලා ඉන්න ගෝල්ඩ්ෆිශ් ලා දිහා සානුකම්පිතව බලනවා වගේ හැඟීමක්.

උඹයි උඹේ මනස්ගාතයි!

කොහෙන්ද පාවෙලා එන්නේ?

තැනක් නොතැනක් නෑ..

මිනිස්සු බෝක්කුවෙ ඉන්න ගෝල්ඩ්ෆිශ්ලා! තමන්ගේ  හිතවතුන් ටැංකියේ ඉන්න ගප්පි.

කමක් නැ අඩු තරමෙ හරි හතරැස් ඉඩක අපි හිර වෙලා නෑ.!

බලෙන් ඔක්සිජන් දෙන සමාජයක් තමයි මේ!...

.කවී.

Top Layer and What Are you?

You know only the top layer.

What are you!

When you get up eary in the morning, what type of thought come across your mind?

Full fried chicken bucket ? Lot of money? Oh my god i gotta go office today also! Oh dear friday !

But when you wakeup what if that you are thought change for something like this.

Yes i have another day from life. Im yet to die. I'm not passed away while i was sleeping. 

I gotta go office now, since it friday it is holiday tomorrow. There is verry tiny hapiness inside me.

But found out some difference of my mind!  Nothing but emptiness, i want to write what i feel but cannot explain this feeling. I feel somthing like that i am out of  vocabulary and lack of words.

What i'm doing here? A useless effort, to justify My feelings ?

Once one of my verry best friend asked me why are you writing this? If you have something to share, please share with us! What is the purpose of blogging ?

I see now! The verry best friend began to be just friend and may be barely know me now! But blog ! Same as before everyone reading the story talk with me! Unknown friends ..but still with me!

.Kavi.

අම්බලම , නිවස, උඹ, මගියෝ සහ හිඟන්නෝ!

හැමෝටම වැඩ කරන්න වෙලා තියෙන්නේ අමුතුම ජීවිතයක් ඇතුලේ! 

සමහ වෙලාවට මිනිස්සු කලකිරීමෙන් ඉන්නවා වෙන්න පුලුවන් ඊළඟ පියවර ගැන. නැත්නම් තියපු පියවර ගැන.

පොඩි කාලේ ඉදන් විශ්වාස කරපු තමන්ගේ හොදම යාලුවොත් විශ්වාසය කඩ කරන වෙලාවක ඒ දිහා බලන් ඉන්න එක සහ කැඩුනු විශ්වාසයත් එක්ක බිදුනු හිත් හදා ගන්න ඒ මිත්‍රයා එක්කම ඇවිදන් යන එක හිතා ගන්න බෑ!

ඒත් මේ කොලඹ මිත්‍රයා! ඕනෑම දෙයක් සිදුවිය හැකියි..

මම  වාක්‍ය අතර මෙන්න මෙහෙම කතාවක් දැක්කා  දාපු ස්ටේටස් අතරතුර

-===============

කෝහේ හරි යන්නද බලන් ඉන්නේ?

නෑ නැවතිලා යන කෙනෙක් දිහා බලන් ඉන්නේ.

ආපහු හැරිලා එනකනද බලන් ඉන්නේ?

නෑ හැරිලා එන එකක් නෑ!

එහෙනම් බලන් ඉන්නේ?

හැරිලා බැලුවොත් පෙනෙයි මම බලන් ඉන්නවා කියලා!.

------==========

ඒත් ඇයි! 

මිනිස්සු ගොඩක් එතකොට උඹව පහු කරන් යාවි මිත්‍රයා!

බොහොම ආදරනීය චරිත! ඒත් උන්ගේ ඔලුවට උඹගේ කල්‍යාණ මිත්‍රයා ඇතුලත් කරලා තියෙයි අදහස උඹත් අම්බලමක්  විතරයි කියලා!

එකෙක්ට මහන්සිය නිවාගන්න ඕන වුනාම විතරක් ඇවිත් ඉදලා යන. උන් උන්ගේ ගෙදර වගේ හැසිරෙයි, මොකද අයිතිකාරයෙක් නැති නිසා!

ලස්සනට තියෙන බීරලු කණුවල හැඩය අතගාලා බලයි! එලියට නෙරපු බීරළුවල කැටයම් ඇගිලිවලින් විදලා අගය කරයි!

ඒත් හිත අගක හිතනවා මේ අම්බලම! තව කි දෙනෙක්ට හෙවන දීලා ඇතිද  කියලා!

උඹ හිතයි උඹටත් අයිතියක් කියන්න කෙනෙක් ඉන්නවා කියලා! උඹටත් හිතෙයි දැන් උඹත් නිවසක් කියලා මිත්‍රයා !

ඒත් උඹ රැවටිලා උඹව රවට්ටලා !

සමහර වෙලාවට ගමන් යන මිනිස්සු වගේම හිඟන්නොත් එන්න පූලුවන් උඹ ගාවා නවාතැන් ගන්න!

සමහර වෙලාවට ඈතට වෙලා උඹේ බීරලු අගය කරන කෙනෙක් ඉන්න පුලුවන් තමන්ගෙම නිවසකට වෙලා.

නමුත් එතන හැමදාම වගේ අයිතිය ගැන ප්‍රශ්නයක් තියෙනවා හැමදාම වගේ!

...

ටටා! 👋 

..කවියා..