උදේ පාන්දරම දඩි බිඩි ගාලා දුවගෙන ඇවිත් .. ඒ මේ සෙව්බන්ඩේ අයේශ් අයියේ මේ අහන්නකෝ මරු සීන් එකක් වුනානේ කියලා වෙඩී පත්තරයක් දිහ අරින්න හදන බව මටයි බණ්ඩේටයි තේරුනේ ඉවෙන් වගේ! ඒ නිසා අපි අපේ වැඩවල කතා වල හිටියේ නිකන් ඇහෙන්නෑ වගේ, සාමාන්‍යයෙන් වෙඩීට එහෙම කරාම ඩැඩීව මතක් කරන් කෑ ගහන්නේ. බෝරින් වෙලාවට මොනා හරි ජුන්ජක ෆන් එකක් ඕන නිසා වෙඩී කියන සීනි බෝලෙ උඩින් ඇඹලයෙක් තියලා අපි ගන්නෙම නොතේරෙන කියාගන්න බැරි ආතල් එකක්.
අනේ! අහනවකෝ හලෝ මගේ කතාව! අනේ අහන්නකෝ!
හෙමීට ඒ පැත්තට හැරුනු මම කිව්වේ හරි ඉතින් කියන්න බලන්න ඔයාගෙ කතාව කියලා.
නෑ එහෙම ලොකු දෙයක් නෙමේ , ඊයේ තාත්තා එක්ක වැඩ කරනකොට මීයෙක් වැටුනනේ බිමට, තාත්තා මට කෑ ගැහුවා පොල්ලක් ගේන්න කියලා ඉක්මනටම ස්වර්ගස්ත කරන්න.
ඒ වුනාට මම ඒකට ඉබ්ජෙක්ශන් එක දැම්මා මොනා වුනත් මීයෙක් නේ.මී ජීවිතයක් නේ කියලා..
ඊට පස්සේ තාත්තා මොනාද මොනාද ස්පෙයාර් පාට්ස් වගේක නම් කියලා මට බනින ගමන් කිව්වා ..එහෙනම් ඔයාම අල්ලලා ගෙනිහින් විසික් කරන්න කියලා..
ඉන්ස්ට්‍රක්ශන් දෙන එක වගේ නෙමේ වැඩේ කරන එක අමාරුයි කියලා තේරුම් අරන් හිටපු නිසා මම තාත්තට කිව්වා අපි මේකව බේසමකින් වහලා අල්ලගමු කියල ඒ විදිහටම කලා.. දැන් කෝහොමද මේකව අල්ලලා බෑග් එකකට දාන්නේ? මූ අත කයි බේසමත් එක්ක සෙල්ලම් කරන්න ගියොත් කියලා තාත්තා ආයෙත් මුණු මුණු ගෑවා.. ඉතින් ඒ වෙලාවෙ මේ වෙඩීට ටිකිරි බුද්ධිය පහල වුනා.. මගේ අවුරුදු ගානක කේක් හැදීමේ අත්දැකීම් වලින් මෙලොවව පලදායී වෙන පහල වුනු එකම අදහස තමා මේක.. කේක් පෙට්ටියේ තියෙන බෝඩ් එක හෙමින් බේසම යටින් දාලා කේක් එකක් වගේම මීයව උස්සලා දාමු කියලා මම තාත්තට කිව්වම තාත්තා මන් දිහා හරියට බලන් හිටියේ හෙන පුදුමයෙන් වගේ.. හරියට හෙන කාලෙකින් දැකලා වගේ!
ඉතින් නංගි ඇත්තටම ඇයි ඒ! සෙව්බන් එහෙම ඇහුවම වෙඩී කිව්වෙ මේ සෙව් අක්කේ ඇඩ් දාන්නෙ නැතුව කතාව අහගන්නකෝ කියලා
ඇත්තටම තාත්තා ඇහුවා මෙච්චර කාලෙකට මොලේ ඇති දෙයක් කිව්වමද කොහෙද කියලා.
ඉතින් මම කල්පනා කලේ ඔෆිස් එකේ විතරක් නෙමේ මගේ ආදරනීය පියාණන් විසිනුත් එක හා සමාන අදහස් ප්‍රකාශ කරන එක ගැන.
මේක අන්තර්ජාතික කුමන්ත්‍රනයක් වෙන්න බැරිද කියලා.
ඒ කොහොම වුනත් මට සතුටුයි කොහොම හරි මම අපිත් එක්ක එක බත් පතේ කාගෙන හිටපු මීයට අභයදානය දෙන්න පුලුවන් වෙච්ච එක ගැන.
වෙඩී ගේ තියරි ඩැඩීටවත් දිරවන්නෙ නැතුව ඇති.. මොනා කරන්නද ඒ අතීත කතාව අස්සේ දැන් අලුත්ම එක වෙඩී ගේ ඩයටින්ග් ප්ලෑන් එක, ඩයට් මෙනු එක රෙකමන්ඩ් කරන්නේ නුෂ් අක්කා.. මේ ඒ රෙකම්න්ඩේශන් අතරතුර ඇහෙන කතා බහක්..
නංගි ඔයා කන්න ඕන උදේට සැන්විච් එකයි, තම්බපු බිත්තරේකුයි විතරයි කැමතිනම් ඔම්ලට් එකක් බත් පීරිසි කෝප්පයක් වගේ කන්න
ඊට අමතරවනම් මුකුත් කන්න එපා සැරින් සැරේ. රැට නම් නොකා ඉන්න තරමටම හොදයි.
අක්කේ එතකොට තම්බපු බිත්තරේකුයි , ඔම්ලට් එකකුයි දෙකක් කන්න ඕනද?
නැ නැ බන් උඹට කියන සින්හලම තේරෙන්නේ නෑ නේ, එක්කෝ තම්බපු බිත්තරයක් නැත්නම් ඔම්ලට් එකක් දෙකම කැවොත් ඒක ඩයට් එකක් වෙනවද?
ඒ වුනාට නුෂ් අක්කේ හවසට අපිට හම්බෙච්ච කේක් එකෙන් කෑල්ලක්වත් කන්න බැරිද?
අම්මට සිරි කේක් එකක් හම්බුනාද? හවසට පොඩි කේක් කැල්ලක් තේ එකක් බිව්වට නම් කමකුත් නෑ හැබැයි .. ඉදල හිටල නේ..
ඔව් අපේ ඔෆිස් එකේ ඉදලා හිටලා තමා මුකුත්ම අමතර දේවල් නොකා ඉන්නේ..අනිත් හැමදාකම වගේ මොනව හරි ගේනවා..අඩු තරමින් ඔෆිස් එකේ තියාගෙන
කොත්තුමී ටිකක් හරි තම්බගෙන කනවා.. මේ ඩයට් එක කොච්චර කාලයක් පවතීවිද කියලා මටත් නිශ්චිතව කියන්න බැරි වුනත් ඒක ඒ තරම් වැඩි දවසක් පවතින ඩයට්
ප්ලැන් එකක් කියල නම් මට විශ්වාසයි ..
අපි මොනව හරි කියනකොට " කමුද " කියලා එක හඩි අහන් තරමට අපේ ඔෆ්ස් එකේ කට්ටිය සාමුහිකයි, අනිත් වැඩ වලට කොහොම වුනත් ඒකටනම් ඉස්සරහෙන්ම් ඉන්නවා.
හොදම උදාහරනය තමා මේක...
ඔය සුදු පාටට තියෙන්නේ වෙඩී ඩයට් ප්ලැන් එකට කලින් කෑම ගෙනපු කෑම පෙට්ටිය එතකොට ඔය තඩි සයිස් එකට නිල් පාටට තියෙන්නේ ඩයට් ප්ලැන් එකට පස්සේ කෑම පෙට්ටිය.
මම, සෙව්බන්, තාරක ඉමාද්, ට්වින්සා උනත් කොන්ෆුයුස් උන්ගා බුන්ගා වෙලා ඉන්නේ මේ ඩයටින් කෑම පෙට්ටිය දැකලා..
ගැලවිජ්ජාවට කියන්නේ මේ කෑම පෙට්ටිය අනු වෙඩීගේ නෙමේ එයාගේ අතිජාත සහෝදරිය තරූ වෙඩීගේ කියලා... ඒත් අරන් එන්නේ අනු වෙඩී නිසා අපි ඒක මතිකව තහවුරු කරනවා මේ අනූගේ ඩයටින්කෑම් පෙට්ටිය කියලා!
මේකට තමයි කියන්නේ ..කොහොමද කෑම? අති විශිෂ්ටයි සර් කියලා.
ඔබට ජය!
ටටා..
.කවියා.
No comments:
Post a Comment