එතකොට ඉමන්දරා කොහෙද ඉන්නේ?

 ජීවිතේ ඔහේ ගෙවිල යන වෙලාවක මගේ ජිවිතේට ලැබුනු අස්වැසිල්ලක් තමයි ශේන්ට ඉමන්දරා කියන්නේ. ලස්සන කතාවක්නම් නෙමේ . මගේ නම  කවිදු ඒත් රෙජිස්ටර් කාඩ් එක කවී ..මගේ හොදම යාලුවෙක් ගේ අසනීපෙන් ඉන්න අක්කව බල්නන යන ගමන් යාලුව කියපු කතාවක්. යාලුවගේ නම ශේන්!

කවී අයියේ ඔයා දන්නවද මගේ ජීව්තේ හැමෝම මාව අරගෙන බෙල්ල ලඟට හිර කරද්දී , කිසිම වුවමනාවක් නැතුව මාව මේ තත්වෙට ගෙනාපු අම්මගෙ මම වගේම දුකක් හිතේ තද කරගෙන ඉන්න මල්ලිගෙ නම්බුව බේරගන්න ඕන නිසා මට පෝරුවකට නගින්න වුනා අකමැත්තෙන් වුනත් හිනා වෙලා. හරිම අහිංසක් පොඩි කෙල්ලෙක් වගේ මනමාලියක් නේද කියල හැමෝම කිව්වට ශෙනායා කියන්නේ ඩ්‍රාමා ක්වීන් කෙනෙක්.

අකමැත්තක් තිබුන නම් නවත්වන්න තිබුන නේද ශේන් ම්ල්ලි.. මම දන්නවා ශෙනායා නංගිව එයා වැඩි කතා බහ නැති අහිංසක කෙනෙක් නේ! ඔයා ඔහොම කියන එක වැරදී, කසාද බැදලා ඉන්නකොට පොඩි පොඩි බහින් බස් වීම් ඇති වෙනවා තමයි ඒවා ගනන් ගන්න එපා කියලා මම ශේන්ට කීව්වේ වැඩි ගානකට අරගෙන නෙමේ.

කවී අයියේ! ඔයත් අනිත් අයගෙ උත්තරේමයි දුන්නේ! ඔයාට මම ඔප්පු කලොත් මොකද කියන්නේ ශෙනායා කියන්නේ ඔයාල හිතනව වගේ මලක් නෙමේ කියලා.

ශේන් මල්ලි පිලිගන්න පුලුවන් ශාක්ෂි ලැබෙනකන් ඔයා කියන දේවල් නිකන් කතාවක් විතරයි. තව කෙනෙක් ගාවට දුවන්න ඕන කමට කියන. එහෙම කියපු ගමන් ශේන් වාහනය එක පාරටම පාර අයිනට කපලා එක තැන ගැහුවා බ්‍රේක් එකක්. ගහලා මම දිහා ටිකක් බලලා කිව්වා හරි මම ඔප්පු කරන්නම් කියලා මිනිහා කලේ ෆෝන් එක අරගෙන මොකක් හර් ඔන්ලයින් ඩ්‍රයිව් එකක තියෙන වට්සැප් එකේ තියෙන ස්ක්‍රීන් ශොට් බර ගානක් කියවපන් කියලා දීපු එක.

ඒ සේරම් ශෙනායා දාපුවා . ශේන් ස්ක්‍රීන් ශොට් ගහගෙන.. 

මම ඇහුවා කමක් නැද්ද මචං මෙවා කියෙව්වට මේවා ප්‍රයිවට් දේවල් නේද කියලා. ශේන් හිස් බැල්මක් දාලා කීව්වේ මගේ ප්‍රයිවට් කියලා දෙයක් නෑ වයිෆ් වත් ප්‍රයිවට් නෑ කියලා තෙරිලා ඉවරයි කියලා.

මම ඉතින් නිකමට තිබුනු පලවෙනි මැසේජ් ටික කියවන්න ගත්තා. බොහොම ආදරනීයව අමතලා බල්ලෙක්ට වගේ ගරු නාම දිලා මැසේජ් දාලා තිබුනේ. සමහර මැසේජ් කියවනකොට මට ඒසි කරල තියෙන වාහනේ ඇතුලේ දාඩිය දාන්න ගත්තා. තනිකරම ශේන්ව බ්ලැක් මේල් කරලා අවුරුදු ගානක් තිස්සේ . 2020 ඉදන්ම? බය නැතුව ඒවා දාලා තියන හැටි පුදුමයි. පලි ගන්න ඕනවට ශේන්ව කසාද බැදලා! එක් මැසේජ් එකක තිබ්බා "ශේන් තමුසෙගෙ ජිවිතේ මම අපායක් කරල පලි ගත්තේ නැත්නම් මම ශෙනායා නෙමේ. කොහොමත දවසක තමුසෙට අහන්න වෙන්නෙ මිනිස්සුන්ගෙන් මම වගේ අහිංසක ගෑනියෙක්ව අසරන කලේ තමුසේ කියලා" . 

ශේන් මල්ලි මේ මොකක්ද ඕයි මේ! හීනයක් වගේ නෙ බන්. විහිලුවක්ද මේක..කියලා මම ඇහුවේ ඇත්තටම මම ඔලුවෙ සමනල් ගැටය දාගෙන ඉන්න නිසා..

කවී අයියේ ඔයා හිතනවද මේ වගේ කතා තියෙනේනේ ටෙලි ඩ්‍රාමා වල විතරයි කියලා. නෑ ඇත්ත ලෝකෙත් තියෙනවා. 

හරි ඒත් ශේන් තමුසෙගෙන් මොකටද මේ පලි ගන්නේ? තමුසෙ මොනව කලාටද? 

කවි අයියේ.. මම හිතන්නේ එයා යන්න උත්සහ කරපු වෙලාවෙ මම එයාට යන්න දුන්නේ නෑ මම එයාව බලෙන් අල්ලගෙන හිටියා ආදරේ නිසා කියලා. ඒත් එයා කිසිම දවසක් කිව්වේ නෑ ඒ වෙන කෙනෙක් නිසා කියලා. මම හිතුවෙම මගේ වැරදි නිසා ඒ දවස්වල මාව දාලා යන්න හදනවා කියලා.

ඒත් ගෙදරිනුත් දැනගෙන ඉදලා තියෙනවා එයාට තව එෆෙයාර් එකක් කැම්පස් ඒකේ දක්ශිත් කියලා කෙනෙක් එක්ක තිබිලා තියනවා කියලා. මොකද මට පස්සෙ කාලෙක අක්කමයි කිව්වේ දවසක් කැම්පස් ගිහින් ආපු ඹාග් එක අස් කරන්න උදව් කරන්කොට බර්ත් කොන්ට්‍රෝල් ටැබ්ලට් කාඩ් එකක්ම තිබුනා කියලා.. 

පොඩ්ඩක් ඉදපන් ශේන් ඒ කියන්නේ ශෙනායගෙ අක්කද උඹේ අක්කද මට පැටලෙනවා නේ..

නෑ කවී අයියේ ශෙනායගේ අයියගේ වයිෆ්.සදලි අක්කා. එදා එයා ඒ ගැන ඇහුවම කියල තිබුනා හොස්ටල් එකෙ කෙල්ලෝ රැග් එකට වගේ බස් වල නෝන්ඩි කරවන්න ඔය වගේ දේවල් දානව සල්ලි අදිනකොට වැටෙන විදිහට කියලා. අක්කත් ඉතින් ඒක විශ්වාස කරලා තිබුනා මම මේ කියන්නේ කවී අයියේ 2020 විතර වුනු එක සිද්දියක්.

පොඩ්ඩක් ඉද්පන් ශේන් දැන් උඹ මේ බලන්න යනවා කිව්වේ සදා අක්කා.. ඒ උඹේම අක්කා නෙමේද? 

නෑ කවී අයියේ හබැයි මගේම අක්කා කෙනෙක් වගේ , බැදලා මාසයක් ගිය දවසේ ඉදන් උදේට දවට කෑම එක ඔෆිස් ගෙනියන්න ඔතලා දෙන්නෙ සදා අක්කා! අම්ම කෙනෙක් වගේ වෙලාවකට එයා මට..ඒත් ශෙනායගෙ අයියා ශෙනායට වඩා ලොකු වෙනසක් නෑ.. අයියගෙ දේවල් ඉවසගන්න බැරුව තමයි සදා අක්කා මෙහෙට වෙලා තනියම ඉන්නේ.

එහෙම කියලා ශේන් ආයෙත් ෆෝල්ඩර් එකේ පහලට ගිහින් වොයිස් රෙකෝඩ් වගයක් අහන්න දුන්නා මට.

ඒ හැම එකක්ම ශේන් ශෙනායා එක්ක ඩිවෝස් එක ගැන කතා කරන ඒවා.ශෙනායා ඒවා ගානකටවත් ගන්නේ නැතුව උත්තර දෙන ඒවා. සමහ්‍ර ඒවානම් අහන්න අවුල්. සමහර කතා වලින් තේරෙනවා ශේනායගේ අම්මලා ශෙනායා ගැන හොදටම දැනගෙන ශේන්ට බන්දලා දීලා තියෙනවා කියන එක.

ඒත් ශේන් උඹට මේවා ගැන අම්මට හරි , අයියට හරි කියන්න තිබුන නේ..

බැරි වුනා කවී අයියේ මට මාව නැති කරලා මට ආදරේ කරන මිනිස්සුවත් නැති කලා මාව ඈත් කරලා දැම්මා, එයාල හිතුවේ මම එයාලගෙන් ඈත් වෙන්නේ මගේ වුවමනාවකට කියලා එයාලා දැනගෙන හිටියෙ නෑ අනිත් හැමෝගෙම ජීවිත ලස්සනට තියන්න ඕන නිසා මම මගේ ජීව්තේ උකස් කලා කියලා.

දැන් කරන්න දෙයක් නෑ ශේන්.. එක්කො ඩිවෝස් එක ගනින්. නැත්නම් රට පලයන්.. බෑ කවී අයියේ ඒකත් වීසා ගන්න බැරි විදිහට පොලිස් එන්ට්‍රි වැටිලා ඉවරයි. 

ඒ මොනවටද?

තමන්ගේ බිරිදව මරන්න සැලසුම් කිරීම, මරණ තර්ජන කිරීම කියලා හිතා ගන්න කවී අයියේ!

ශේන් තමුසෙගෙ ඔලුව විකාර වීගෙන එනවද?

නෑ අයියේ මේ තියෙන්නේ ශෙනායම එවපු එන්ට්‍රි කොපි එක .. කියලා ශේන් මට පෙන්නුවේ තව ෆොටෝ එකක් නැත්නම් ෆොටෝ කොපියක ෆොටෝ එකක් පොලිස් පොතෙව් ලියවිලා තියෙන පැමිනිල්ලක.

දැන්  අවුල් වෙනවා ශේන් ..මට උඹව විශ්වාස නොකර බෑ දේවල් මගේ ඇස් දෙකෙන්ම දැක්කට පස්සේ. නිකන් උඹ කියපු වචන් විතරක්ම නම් අහක දාන්න තිබ්බා.. හරි දැන් මට කියපන් කවුද මේ ඉමන්දරා?

“ඉමන්දරා” හම් ඉමන්දරා ..ඉමන්දරා කියන්නේ මගේ ජිවිතේට අමතක වෙන්නේ නැති අමතක කරන්න බැරි මම ගොඩක් ආදරේ කරන කෙනෙක්. 

හරි එතකොට ඉමන්දරා කොහෙද ඉන්නේ?

අයියේ මම වැඩ කරන කම්පැනි එකේම බැක් ඔෆීස් කස්ටමර් සර්විස් සෙක්ශන් එකේ. හැබැයි මට එයාව පෙනුනට් දැනුනට එයාට මාව දැනෙන්නෙත් නෑ පේන්නෙත් නෑ.

අහ්.. ශේන් මල්ලි තව මට විස්තර ටිකක් කියන්න බලන්න..

කවී අයියේ මෙහෙමයි..කියලා ශේන් කතාව පටන් ගත්තට අපි ඒ වෙනකොටත් තණමල් විලට කිට්ටු වෙලා හිටිය නිසා කතාව වෙන වෙලාවක සම්පූර්ණ කරගන්න වෙයි කියලා හිතුනා.

අනිවාර්‍යයෙන්ම එන්නම් ඒක අහගෙන..

..........

අයේෂ් කවිදු 

මම උඹල හැමෝටම ආදරේ කරේ වැරදීමකින් වෙන්න ඇති!

ම්නිස්සුන්ට ඕන ඔන වෙලාවට එහෙම කරන් ඉඩ දෙනවද?

මතකද අයේෂ් අයියේ ඔයාට මම පණ වගේ ආදරේ කරපු ඉමන්දරාව?

ඔව් මතකයි මල්ලි..

උඹට මාව මතකද ශේන්ව?

ඇයි බන් එහෙම අහන්නේ? එහෙම අමතක කරන්නේ නෑ මම මිනිසුන්ව.. ඒකත් මට ආදරේ එවුන්ව..

නෑ කවී අයියේ උඹට මාව මතක නෑ දැන්.. ඉමන්දරාටත් මතක නෑ..

හරි ඉමන්දරාට මතක නෑ කියලා මට මතක නැති වෙන්න විදිහක් නෑ නේ නේද ?

කවී අයියේ ඔයා දවසක් කිව්වා මතකද මනුස්සයෙක්ට දෙයක් මතක තියෙන්නේ දවස් දහ හතරයි කියලා?

ඔව් මල්ලි මම කිව්වා තමයි..

ඒත් මිනිස්සු අන්තිමට ඒ ගැන මතක් කරපු මතකය තමා අලුතින් හිතන්නේ ඇත්තටම ඒ පරණ වෙච්ච සිදුවීම නෙමෙයි..අපේ අවසානයට ඒ සිදුවීම මතක කරපු දවස.

වෙන්න ඇති ඉස්සර හිටපු ඉමන්දරා දැන් නැහැ අයියේ .. ශේන් කියන කෙනත් දැන් නැති වෙනවා..කියලා හිතාග්න ඉන්නවා..ඉමන්දරා මාව දවස් ගානකින් මතකයෙන් අයින් කලාට මම එහෙම කලේ නෑ අයියේ හැබැයි එයාට මාව අමතක කරන්න මඟ අරින්න ලේසි වෙන විදිහට මම පාර හැදුව හැම තැනකදිම අයින් වුනා හැම දේකින්ම මම මාවම ඈත් කර ගත්තා,,ඒ මුණ දකින්න තියෙන පොඩිම අවස්තාවක් පවා මම නැති කර ගත්තා..

මිනිස්සු එහෙම තමයි මල්ලි වෙනස් වෙනවා , නොකරපු දේවල් වලට පලි ගන්නවා.. රිද්දනවා..හොදම දේ මිනිස්සුන්ට රිද්දන්න දීලා එයාලා ඒකෙන් සතුටු වෙන හැටි බලල සතුටු වෙන එක .

සමහර විට හෙතෙන්න පුලුවන් ඒක එහෙම නෙමෙයි කියලා ඒත් ඇත්ත ඒක තමයි ..මිනිස්සු අපිව තියාගන්නේ දුකක් තියෙනකන් දැනෙනකන් විතරයි ඊට පස්සෙ මිනිස්සු නිකන්ම නිකන් අයිනකට විසික් කරලා දානවා .

මල්ලි නිකන් ඉන්න වෙලාවට බලන්ගොඩ රාධ හමුදුරුවන්ගේ බණ අහපන් . වෙලාවක වරෙන් මම එක්කගෙන යන්නම් බලන්ගොඩ තියෙන ආරණ්‍යට .

කවී අයියේ තමුසෙ හෙන අමුතු මනුස්සයෙක් වෙලා .. බුද්ධාගම ගැන කෙස් පැලෙන තර්ක  දාපු උඹම මට කියනවා බණ අහන්න කියලා . වෙනදට අනිත් උන්ගෙන් කෑවද කියලා අහලා නැත්නම් උඹගෙ පන්ගුව හරි අත් හරින එකා දැන් කරන්නේ අනිත් එවුන්ටත් කලින් කන එක . අනිත් එවුන්ට ඉතුරු වෙයිද කියලවත් හිතන්නේ නෑ .  උඹගෙ බණ කතායි අත් හැරීමයි බදාගෙන කෑමයි ගැලපෙන්නේ නෑ වගේ අයියේ . තමුසෙ මහ අමුතුම චරිතයක් මේන් ටේන් කරනවා වගේ .

බුද්ධාගම කෙසේ උනත් බුද්ධ දර්ශනය ගැන මගේ පැහැදීමක් තියෙනවා . ඒ කිසෙම දෙයක් නිසා නෙමේ කර්මය කියන දේ නිසා . නිව්ටන්ගේ නියාමයට කලින් තමයි මල්ලි බුදු හාමුදුරුවො දේශනාකලේ හැම දේටම රිටර්න් එකක් ලැබෙනවා කියලා. දිශාවවෙන් ප්‍රතිවිරුද්ද බලයෙන් සමාන ප්‍රති ක්‍රියාවක් තියෙනවා ඒක සයන්ස් පාඩමේ වගේ එක පාරට වෙන්නේ නෑ සේරම හරි කියලා හිතන  මොහොතක තමා ඒක වෙන්නේ ..  

හොදම දේ තමයි මල්ලි අනුන්ගේ ජීවිත වලට එබෙන්නේ නැතුව පුලුවන් විදිහට උදව් කරගෙන හිනා වෙලා ඉන්න එක. අනිත් දේ තමයි මම ඉගෙන ගත්ත දෙයක් මම තුවාලා වෙලා පණ නැතුව හිටියත් මම උත්සහා කලේම අනිත් තුවාල වෙලා ඉන්න එකාගෙ තුවාල වලට බෙහෙත් දාන්න, එතන මට වැරදුනා ..ඒත් එයාලගෙ තුවාල හොද වුනා, ඒත් සැරින් සැරේට මගේ තුවාලෙ පෑරෙනවා. ඒ නිසා නිතරම තුවාලයක් තියෙනවා කියන එක අමතක කරලා ජීවත් වෙනවා. සමහර මතකයන් මිනිස්සු සතෙක් තරම්වත් ගනන් ගන්නේ නැතුව කුණු කූඩ වලට ව්සික් කරනවා. ඒත් සමහර දේවල් පරිස්සම් කරනවා විසික් කර ගන්න බැරි කමට. මිනිස්සුට එහෙම වෙන්න පූලුවන් නම් ඇයි අපිට බැරි එහෙම වෙන්න?

කවී අයියේ මට තේරුනා කවී දැන් ආයෙමත් අයේෂ් වේගන එන්නෙ! අර තද අයිස් කුට්ටිය? 

මල්ලි මම පෝසිලේන් වුනා එක තැනකදි.. කුඩු වුනා බිදුනා ..වටිනාකමක් නෑ..ඇහුවෙවත් නෑ.. දැන් මම වානේ කෑල්ලක් ගහපන් ඇති වෙනකන් ගිනි තියපන් කුළු ගෙඩි පාරවල් ගහපන් , ඔව් රිදෙනවා තමයි ඒත් මම පදම් වෙනවා , මම මේ ආයෙත් මොට්ට වුනු මුවහතට පන්නරය දෙනවා.. අල්ලන එකාව කැපෙනවා , මිටක් තියෙනවා මම ඒක අල්ලන්න දෙන්නේ මට වැඩියෙන්ම් රිද්දපු මනුස්සයට. ඕන අතකට වනපු දෙන්! මම බලන් ඉන්නවා, දැන් ආයෙමත් මම නිහඩ නිරීක්ශකයා පමණයි. උපදෙස් නම් දෙන්න ඉඩක් නැති වෙයි. 

කවී අයියේ උඹට ආයෙත් කවී කියන්නද අයේෂ් කියන්නද?

අයේෂ් කියපන් ඒකේ තේරුම වානේ නැත්නම් යකඩ කියන එක! අනෙක් එක ඊලඟ පාර උඹට මගේ හිත අස්සෙ තියෙන්නෙ මොනාද දැන ගන්න ඕන නම් ලේසර් කියතක් අරන් වරෙන් , කපලා පෙන්වන්නම් හදවත කියලා එකක් නැ පොඩි පොඩි මතකයන් වැදිලා ඉරි තැලුනු දේවල් තියෙන්නෙ කියලා.. 

උඹලාගේ ජීවිත අයිති උඹලට, මම උඹල හැමෝටම ආදරේ කරේ වැරදීමකින් වෙන්න ඇති!

] අයේෂ් [