හිතන එක නවත්තපන්, නොලැබෙන දේවල් පස්සෙන් දුවන්න එපා

මග දෙපස හරි හමන් වහලයක් නැති

සල් පිලක් ලඟ 

එකෙක් විකුනණවා 

බලෙන් උදුරා ගත් යමක්

ගැහෙන යම් කිසි දෙයක්..

අතේ සතයක් නැතත් ලං වුනා මන්

තවම ගැහෙනා රුහිරු ගලනා ගලවාපු

හදවතක් නොවෙද ඒ?

ගන්න වත්කම නැති එවුන් ආසයි ලුනේ

අතින් අල්ලලා නෙත්වලින් බලාගෙනවත් 

සැනසෙන්න..

අනේ මේ මම දන්න හදවතක් නොවෙද

හරි හුරුයි මටනම්,

පිච්චියක් වත් අතේ නැති මම

මගේ හදවත ගැලෙව්වෙමි

අහ් ගල් වෙලා නෑ මගේ හදවත

මේක අරගෙන අර අමාරුවෙන් ගැහෙන

හිත මට දියන්!

හරි දැන් මම හිතන් නෑ..

මගේ හදව මන් ගාව නෑ..

ඉතින් මම මේ මාවතේ දුවන එක

හති නෑ..

ආයෙමත් බැලුවා උණුසුමට අර හිත

තියෙනවා මන් ලඟ..

මඟ දෙපස සිටි අයෙක් 

පසු කරන් යනවිට මටත් කියනවා

ඇහුනා..

අප්ප්‍රසන්නයි..අවලස්සනයි..

මෙන්න බලපන් හිතක් පපුවක් නැති එකෙක්!

ඉද්ද මල්, අරලියා මල් හොයනවා..

ආදරේ නොලැබෙන එකේ ඉතින් කොයිබද

අරුමයක්.

අයිනට වෙන්න.. වැඩි කතා බහ එපා ඌ එක්ක..

සහෝදරයෙක්, යාළුවෙක් කරගන්න

හිතන්නත් බැරි එකෙක්..